قىتايدى تاعى دا قۇمدى داۋىل باسىپ قالدى
بەيجىڭ. قازاقپارات - سولتۇستىك- باتىس جانە سولتۇستىك- شىعىس قىتايدى جەكسەنبىگە قاراعان ءتۇنى قۇمدى داۋىل باسىپ قالدى.
بۇل تۋرالى قىتايدىڭ ورتالىق مەتەورولوگيالىق قىزمەتى ءمالىم ەتتى، دەپ حابارلايدى قازاقپارات ءتىلشىسى.
مەتەورولوگتاردىڭ بولجامىنشا، قۇمدى داۋىل جەكسەنبى كۇنى كەشكە دەيىن سوزىلادى. قىتايدىڭ ورتالىق مەتەورولوگيالىق قىزمەتى قۇمدى داۋىلعا بايلانىستى ءقاۋىپتىڭ سارى دەڭگەيىن جاريالادى. قۇم مەن شاڭنىڭ نەگىزگى بولىگى قىتايدان 29-30 ناۋرىز ارالىعىندا ەلدىڭ سولتۇستىك- شىعىس ايماعى ارقىلى كەتەدى دەپ كۇتىلۋدە. بەيجىڭ بيلىگى جەكسەنبىدە قۇمدى داۋىلعا بايلانىستى قاۋىپسىزدىك شارالارىن كۇشەيتەتىنىن جاريا ەتتى. الداعى ۋاقىتتا قىتاي استاناسىنىڭ تۇرعىندارى كوشەدە ءجۇرۋ ۋاقىتىن ازايتۋ كەرەك. قالانىڭ كوپتەگەن اۋداندارىنداعى جولداردىڭ كورىنۋى ءبىر شاقىرىمعا جەتپەيدى.
اۆتور: رۋسلان سۇلەيمەنوۆ
