ق. قۋانىشبايەۆ اتىنداعى تەاترى «قۇنانباي» سپەكتاكلىنىڭ پرەمەراسىن ۇسىنادى

نۇر- سۇلتان. قازاقپارات - ناۋرىزدا ق. قۋانىشبايەۆ اتىنداعى مەملەكەتتىك اكادەميالىق قازاق مۋزىكالىق- دراما تەاترى «قۇنانباي» سپەكتاكلىنىڭ پرەمەراسىن ۇسىنادى، دەپ حابارلايدى قازاقپارات مادەنيەت جانە سپورت مينيسترلىگىنە سىلتەمە جاساپ.

«ابىلاي حان، زەرە، اباي سىندى دارا تۇلعالارمەن ەرەكشەلەنەتىن تەاتر رەپەرتۋارىنىڭ قورجىنى قۇنانباي بەينەسىمەن تولىعادى. ق ر تاۋەلسىزدىگىنىڭ جانە «قاللەكي» تەاترىنىڭ 30 جىلدىعىنا وراي ساحنالانعان «قۇنانباي» دراماسىنىڭ قويۋشى رەجيسسەرى - قازاقستاننىڭ ەڭبەك سىڭىرگەن قايراتكەرى بولات ۇزاقوۆ. تۋىندى اۆتورى - تالاسبەك اسەمقۇلوۆ. قويۋشى سۋرەتشىسى - قانات ماقسۇتوۆ.

قۇنانباي بەينەسىن ساحنادا ءۇش قۇرامدا - قازاقستاننىڭ حالىق ءارتيسى تىلەكتەس مەيراموۆ، قازاقستاننىڭ ەڭبەك سىڭىرگەن قايراتكەرى ەرلان مالايەۆ، اكتەر نارتاي ساۋدانبەك ۇلى سومدايدى»، دەلىنگەن حابارلامادا.

سپەكتاكل پرەمەراسىنا وراي، 29 - ناۋرىز كۇنى ساعات 17.30-دا بۇقارالىق اقپارات وكىلدەرىنە ارنالعان باسپا ءسوز كونفەرەنسياسى وتەدى. وعان تەاتر ديرەكتورى ەرنار جۇماتايەۆ، تەاتردىڭ كوركەمدىك جەتەكشىسى قۋاندىق قىستىقباي، رەجيسسەر بولات ۇزاقوۆ قاتىسادى.

29 -ناۋرىزدا ساعات 19.00-دە تەاتر ساحناسىندا سپەكتاكل كورسەتىلىمى باستالادى.

اۆتور: اياۋلىم التىنبەك