قازاق كينوسىندا قولدانىلعان كولىكتەر ساتىلىپ كەتۋى مۇمكىن
كەيبىرىنىڭ زاۋىتتان شىققانىنا ءبىر عاسىرعا جۋىقتاعان كولىكتەر قازىر شاڭ باسىپ تۇر.
- الماتى وبلىسىنىڭ اباي اۋىلىندا تۇراتىن مەيىرحان كارىبايەۆ جيىرما جىلدان بەرى رەترو كولىكتەردى جيناۋمەن اينالىسادى. بۇگىندە ونىڭ اۋلاسىندا ءارتۇرلى ساناتتاعى 25 اۆتوموبيل بار. ىشىندەگى ەڭ ەسكىسى 1936 -جىلى يتاليادا قۇراستىرىلعان «فيات» ماشيناسى. ودان كەيىنگىسى 1942 -جىلعى «گاز-67» اسكەري كولىگى. ۇلى وتان سوعىسىنان امان قالعان تەحنيكانى ارداگەردىڭ وتباسىن ارەڭ كوندىرىپ، 5 مىڭ دوللارعا ساتىپ العان. بۇل تەحنيكا تالاي رەت سوعىس تۋرالى فيلمدەردە پايدالانىلعان.
مەيىرحان كارىبايەۆ، رەترو كولىك جيناۋشى:
- بۇل ماشينانى مەن 10 جىل ءجۇرىپ ءبىر ادامداردان ساتىپ العام. بۇل سوعىستا تاريح بويىنشا ءبىر كومانديردى قۇتقارعان. وسىنى سىيلىق رەتىندە جۇرگىزۋشىسىنە بەرگەن. ول شال نەمەرەسىنە بەرگەن. مەن كينوعا قويامىن، قولدانامىز، حالىق كورسىن دەگەننەن كەيىن بۇنى ساتتى ماعان.
مۇندا «گاز-01»، «گاز-51» جۇك كولىكتەرى، كەڭەس وداعىنداعى پارتيا حاتشىلارى مىنگەن «زيم» مەن «ۆولگا» جانە ودان باسقا جەڭىل كولىكتەر بار. مەيىرحان كارىبايەۆتىڭ رەترو كولىكتەرىن «بالالىق شاعىمنىڭ اسپانى»، «اناعا اپارار جول»، «بالۋان شولاق» سىندى تاريحي كينولاردىڭ كوبىنەن كورۋگە بولادى. قازىر شاڭ باسىپ تۇرعانىمەن بارلىعى جۇرىسكە جارامدى، دەيدى.
ءومىرىنىڭ جيىرما جىلىن رەترو كولىكتەر جيناۋعا ارناعان مەيىرحان كارىبايەۆ بۇگىندە جادىگەرلەردى ساقتاۋعا اقشانىڭ قولبايلاۋ بولىپ تۇرعانىن ايتادى. مۇراجاي اشسام دەگەن ارمانى دا قاراجاتتىڭ تاپشىلىعىنان جۇزەگە اسپاي تۇر. ونىڭ ەندىگى ءبىر ماقساتى - قولداۋشىلار تاۋىپ، ەل تاۋەلسىزدىگىنىڭ 30 جىلدىعىنا ارنالعان رەترو كولىكتەر شەرۋىن ۇيىمداستىرۋ.
مەيىرحان كارىبايەۆ، رەترو كولىك جيناۋشى:
- سوڭعى ۋاقىتتا ءسال قينالىپ جاتىرمىز، ماشينانى ساقتاۋدا. ونى ءارى قاراي كورەرمىز، جاقسى بولماي جاتسا، كينو بولماي جاتسا، بۇلاردىڭ بارلىعىن ساتۋ كەرەك، جىبەرۋ كەرەك.
مەيىرحاننىڭ يەلىگىندە 1945 -جىلعى پاروۆوز بەن 6 ۆاگونى بار. اۋىر تەحنيكا تەك ءتۇسىرىلىم كەزىندە قولدانىلادى. كوللەكسيا جيناۋشى وتاربانى شىعىس قازاقستان وبلىسىنداعى شەمونايحا قالاسىنان، ۆاگوندارىن قىزىلوردادان ساتىپ الىپتى. «تاريحي مۇرانى ساقتاۋعا ۇكىمەتتەن قولداۋ بولماسا، قارا تەمىر رەتىندە ساتۋدان باسقا امال جوق»، - دەيدى ول.
www.24.kz
