اشارشىلىق تاقىرىبىنداعى «اق بوز ءۇي» فيلمى قاشان كورسەتىلەدى

نۇر- سۇلتان. قازاقپارات - وسى جىلدىڭ سوڭىندا اشارشىلىق تاقىرىبىنداعى «اق بوز ءۇي» تولىقمەتراجدى كوركەم فيلمى كورەرمەنگە جول تارتادى.

بۇل جايىندا سەنات دەپۋتاتتارىنىڭ ساۋالىنا ق ر پرەمەر- ءمينيسترى اسقار ماميننىڭ جاۋابىندا ايتىلعان، دەپ حابارلايدى قازاقپارات ءتىلشىسى.

«20-30 -جىلدارداعى اشارشىلىق تاقىرىبىندا سماعۇل ەلۋبايدىڭ سسەناريى بويىنشا 2020 -جىلى «اق بوز ءۇي» تولىقمەتراجدى كوركەم فيلمى وندىرىسكە جىبەرىلدى، فيلمدى تاپسىرۋ وسى جىلدىڭ سوڭىنا جوسپارلانعان»، - دەدى پرەمەر- مينيستر.

ۇكىمەت باسشىسى اشارشىلىق زارداپتارى تاقىرىبىنا ارنالعان دراماتۋرگ و. جانايداروۆتىڭ «جۇت» دراماسى ەلىمىزدىڭ م. لەرمونتوۆ اتىنداعى ۇلتتىق اكادەميالىق ورىس دراما، ا. ن. وستروۆسكي اتىنداعى باتىس قازاقستان وبلىستىق ورىس دراما، شىعىس قازاقستان وبلىستىق دراما، ن. جانتورين اتىنداعى ماڭعىستاۋ وبلىستىق مۋزىكالىق دراما تەاترلارىندا ساحنالانىپ جۇرگەندىگىن اتاپ وتەدى.

«سونىمەن قاتار، اتالعان تاقىرىپتا ا. توقپانوۆ اتىنداعى جامبىل وبلىستىق قازاق دراما تەاترىندا ش. مۇرتازانىڭ «تۇرار. ستالينگە حات» جانە ن. بەكەجانوۆ اتىنداعى قىزىلوردا وبلىستىق اكادەميالىق قازاق مۋزىكالىق دراما تەاترىندا س. ەمبەرگەنوۆتىڭ «انا جۇرەگى» سپەكتاكلدەرى دە ساحنالانعان»، - دەدى ۇكىمەت باسشىسى.

اۆتور: مارلان جيەمباي