ەلوردادا قاشىقتان وقيتىن وقۋشىلار اراسىندا ك ۆ ي جۇقتىرۋ جاعدايى كوبەيدى

بۇل تۋرالى نۇر-سۇلتان قالاسىنىڭ باس مەملەكەتتىك سانيتار دارىگەرى سارحات بەيسەنوۆا ايتىپ بەردى، دەپ حابارلايدى قازاقپارات ءتىلشىسى.

«وقۋ جىلىنىڭ باسىنان 25-ناۋرىزعا دەيىنگى كوروناۆيرۋس جاعدايى بويىنشا وقۋشىلار اراسىندا بارلىعى 1590 جاعداي تىركەلدى. ونىڭ ىشىندە وففلاين رەجيمدە وقۋشىلار اراسىندا %30,6 (1103 جاعداي)، قاشىقتان وقيتىندار اراسىندا - %69,4. ياعني، ناۋرىز ايىندا وففلاين رەجيمدە وقيتىن وقۋشىلار اراسىندا سىرقاتتانۋشىلىق %10 عا ءوستى»، - دەدى س. بەيسەنوۆا ەلوردا اكىمدىگىندە وتكەن ونلاين بريفينگتە.

سپيكەردىڭ ايتۋىنشا، وقۋ جىلىنىڭ باسىنان بەرى نۇر-سۇلتان قالاسى بويىنشا 92 مەكتەپ كارانتينگە جابىلعان.

«جىل باسىنان بەرى مەكتەپكە دەيىنگى بالالار مەكەمەسىنە كەلگەن ناۋقاس بالالاردىڭ سانى - 145»، - دەدى س. بەيسەنوۆا. بۇعان دەيىن سارحات بەيسەنوۆا ەلورداداعى ك ۆ ي جۇقتىرۋ ستاتيستيكاسىن جاريالاعان ەدى. ەلوردادا كوروناۆيرۋس جۇقتىرعاندار كۇنىنە 150 دەن 280 گە دەيىن تىركەلەدى. سونىمەن بىرگە، س. بەيسەنوۆا قانداي جاعدايدا كارانتين تالاپتارى كۇشەيتىلەتىنىن ءتۇسىندىردى.