قازاقستان ەلشىسى بەلارۋس پرەزيدەنتى الەكساندر لۋكاشەنكومەن كەزدەستى
اڭگىمە بارىسىندا ساۋدا-ەكونوميكالىق جانە مادەني-گۋمانيتارلىق ءوزارا ءىس-قيمىلدى كەڭەيتۋ قاجەتتىگىنە باسا نازار اۋدارا وتىرىپ، ىنتىماقتاستىقتىڭ باسىم باعىتتارى تالقىلاندى.
«قازاقستان مەن بەلارۋس كەز كەلگەن ارەنادا، سونىڭ ىشىندە حالىقارالىق ارەنادا ءبىر-ءبىرىن قولدايتىن دوستاس ەلدەر بولىپ تابىلادى. سىزگە ۇلكەن العىسىمدى بىلدىرگىم كەلەدى. 2020-جىل وڭاي بولعان جوق، پاندەميامەن كۇرەس جىلى بولدى، ول كەزدە بارلىق ەلدەر وقشاۋلانىپ جاتقاندا، بەلارۋس تاراپىنان ءبىز ۇلكەن دوستىق كومەكتى كوردىك»، - دەپ اتاپ ءوتتى ا. بەيسەنبايەۆ.
بەلارۋس پرەزيدەنتى ءوز كەزەگىندە قازاقستان- بەلارۋس قارىم-قاتىناسىنا جوعارى باعا بەرىپ، ولاردىڭ جان-جاقتى دامۋىنا قولداۋ كورسەتۋگە دايىن ەكەنىن ايتتى.
«بەلارۋس پەن قازاقستان سوڭعى جىلدارى قارىم-قاتىناستاردى دامىتۋدا جانە ينتەگراتسيا تۇرعىسىنان، اسىرەسە ە ا ە و جەلىسى بويىنشا، ەكى جاقتى قاتىناستاردا، ساۋدادا جانە كووپەراتسيادا وتە كوپ جەتىستىكتەرگە قول جەتكىزدى. ارينە، بۇل كولەمدى كەڭەيتۋ ءۇشىن نەعۇرلىم تەرەڭ كووپەراتسيا بولعانىن قالايتىن ەدىك. ءبىز ءوندىرىستى كوبىرەك جۇكتەۋگە، قۇراستىرۋ ءوندىرىسىن قۇرۋعا، بارلارىن جۇكتەۋگە دايىنبىز. ءبىر سوزبەن ايتقاندا، ۇكىمەتتەرگە جۇمىس ىستەۋ كەرەك»، - دەپ اتاپ ءوتتى بەلارۋس باسشىسى.
ا. لۋكاشەنكو قازاقستان پرەزيدەنتى ق. توقايەۆتىڭ بەلارۋس رەسپۋبليكاسىنا ساپارى ەكىجاقتى ءوزارا ءىس-قيمىلعا جاڭا سەرپىن بەرە الاتىنىن اتاپ ءوتتى. كەزدەسۋ دوستىق جانە سەنىمدى جاعدايدا ءوتتى.
