كوكشەتاۋ اكىمى اۋىستى

الماتى. قازاقپارات - كوكشەتاۋ قالاسىنىڭ اكىمى بولىپ باۋىرجان عايسا تاعايىندالدى.

بۇعان دەيىن اقمولا وبلىسىنىڭ اكىمشىلىك ورتالىعىنىڭ اكىمى قىزمەتىن امانگەلدى سمايىلوۆ اتقارعان.

«اقمولا وبلىسى اكىمىنىڭ وكىمىمەن قازاقستان رەسپۋبليكاسى پرەزيدەنتى اكىمشىلىگىنىڭ جانە قالالىق ءماسليحات دەپۋتاتتارىنىڭ كەلىسىمى بويىنشا كوكشەتاۋ قالاسىنىڭ اكىمى بولىپ عايسا باۋىرجان سەيتقالي ۇلى تاعايىندالدى»، - دەلىنگەن كوكشەتاۋ اكىمدىگىنىڭ باسپا ءسوز قىزمەتىنىڭ حابارلاماسىندا.

باۋىرجان عايسا 1972 -جىلى دۇنيەگە كەلگەن. چەليابينسك مەملەكەتتىك اگرارلىق ۋنيۆەرسيتەتىن، شوقان ءۋاليحانوۆ اتىنداعى كوكشەتاۋ مەملەكەتتىك ۋنيۆەرسيتەتىن، پولشانىڭ كۋتنە قالاسىنداعى مەملەكەتتىك جوعارى ەكونوميكالىق مەكتەبىن ءتامامداعان.

ەڭبەك جولىن 1994-2013 -جىلدارى جەكەمەنشىك سالادان باستاعان. 2013-2014 -جىلدارى - Nur Otan پارتياسىنىڭ كوكشەتاۋ وبلىستىق فيليالى ءتوراعاسىنىڭ ءبىرىنشى ورىنباسارى بولعان.

2014-2016 -جىلدارى - Nur Otan پارتياسىنىڭ اقمولا وبلىستىق فيليالى ءتوراعاسىنىڭ ورىنباسارى.

2016-2018 -جىلدارى - كوكشەتاۋ قالالىق ءماسليحاتىنىڭ حاتشىسى.

2018-2019 -جىلدارى - قورعالجىڭ اۋدانى اكىمى.

2019 -جىلدىڭ 10-ساۋىرىنەن باستاپ - اقمولا وبلىسى اكىمى اپپاراتىنىڭ جەتەكشىسى بولعان.