اقمولا وبلىسىندا اۋىلعا كيىك كىرىپ كەتتى
بۇل تۋرالى الەۋمەتتىك جەلىدە بەينەجازبا تارادى، دەپ حابارلايدى قازاقپارات ءتىلشىسى.
بەينەجازباداعى كۋاگەرلەردىڭ ايتۋىنشا، وقيعا جاقىندا قورعالجىن اۋىلىندا بولعان. جازبادان كيىك تەكەسىنىڭ اۋىل كوشەسىندە جۇرگەنىن كورۋگە بولادى. ول ءتىپتى، ادامدار مەن كولىكتەن دە قورىقپايدى. تۇرعىندار اۋىل ىشىندە «كۇتپەگەن قوناقتى» ۆيدەوعا ءتۇسىرىپ، تاراتىپ جاتىر.
اۋىل تۇرعىندارى بۇل جالعىز كيىك ەمەس، بىرنەشەۋى كەلدى دەپ وتىر. تۇرعىنداردىڭ ايتۋىنشا، ەن دالادا ادامنىڭ كوزىنە تۇسە بەرمەيتىن كيىكتەر بوراندا قالىڭ قاردا جۇرە الماي، اشىققاننان اۋىلعا كەلگەن. سول سەبەپتى تۇرعىندار جابايى اڭدارعا جەمشوپ بەرۋدە.
ەسكە سالا كەتەيىك، اقمولا وبلىسىندا كيىكتەردىڭ قىرىلۋى قاۋپى تونگەن بولاتىن. اقمولا وبلىس بويىنشا ورمان شارۋاشىلىعى جانە جانۋارلار الەمى اۋماقتىق ينسپەكتسياسىنىڭ مالىمەتىنشە، 2020 -جىلدىڭ جەلتوقسان ايىندا قورعالجىن مەملەكەتتىك تابيعي قورىعىندا 25 مىڭ كيىك سانالدى. قىس ايلارىندا اۋا رايىنىڭ كۇرت بۇزىلۋى وڭىردە قىستاپ قالعان كيىكتەرگە قاۋىپ توندىرگەن بولاتىن.
اۆتور: اسلان وسپانوۆ
