الماتى ماڭىنداعى ۇشاق اپاتى: دارىگەر زارداپ شەككەندەردىڭ جاعدايى تۋرالى ايتتى

«الماتىدا ۇشاق اپاتىنان زارداپ شەككەن ەكى ازاماتتىڭ جاعدايى اۋىر، ءبىراق تۇراقتى. رەانيماتسيا جاعدايىندا باقىلاۋدا. ەكەۋى دە ەسىن جيدى»، - دەيدى ساعي بەيسەنبەكوۆ.

ەسكە سالا كەتەيىك، 13-ناۋرىز كۇنى نۇر-سۇلتان- الماتى باعىتىنداعى ان-26 اسكەري ۇشاعى راداردان جوعالىپ كەتىپ، الماتى اۋەجايى ماڭىندا اپاتقا ۇشىراعان ەدى. ۇشاقتا بولعان 4 ادام قازا تاپتى، 2 ادام ءتۇرلى جاراقاتپەن الماتى قالاسىنىڭ №4-قالالىق كلينيكالىق اۋرۋحاناسىنا جەتكىزىلدى. كەيىننەن الماتى دارىگەرلەرى ۇشاق اپاتىنان جاپا شەككەن ەكى ادامنىڭ دەنساۋلىعى قالاي ەكەنىن ايتتى. ۇشاق اپاتى بولعان جەرگە قالا اكىمى باقىتجان ساعىنتايەۆ بارىپ، قۇزىرلى ورگان وكىلدەرىنە زارداپ شەككەندەرگە بارىنشا كومەك كورسەتۋدى تاپسىردى. سونىمەن قاتار، مەملەكەت باسشىسى اۋە اپاتىنىڭ سەبەپتەرىن انىقتاۋدى تاپسىرعان بولاتىن. قازاقستان رەسپۋبليكاسى ۇلتتىق قاۋىپسىزدىك كوميتەتى الماتىدا اپاتقا ۇشىراعان ۇشاقتىڭ قارا جاشىگىندەگى دەرەكتەر تەكسەرىلىپ جاتقاندىعىن ءمالىم ەتتى.

اۆتور: الما مۇقانوۆا