سەمەيدە توي وتكىزىپ، قايرات نۇرتاستى شاقىرعاندارعا قاتىستى تەكسەرۋ ءجۇرىپ جاتىر

سەمەي. قازاقپارات - سەمەي قالاسىندا توي وتكىزىپ، قايرات نۇرتاستى شاقىرعاندارعا قاتىستى ش ق و سانيتاريالىق-ەپيدەميولوگيالىق باقىلاۋ دەپارتامەنتى تەكسەرۋ جۇرگىزۋدە، دەپ حابارلايدى قازاقپارات ءتىلشىسى.

23-ناۋرىزدا الەۋمەتتىك جەلىلەردە سەمەيدەگى مەيرامحانالاردىڭ بىرىندە وتكەن تويدا بولعان ەسترادا جۇلدىزى قايرات نۇرتاس پەن قوناقتاردىڭ ۆيدەولارى جاريالانۋدا. ق ر جانە وبلىستىڭ باس مەملەكەتتىك سانيتاريالىق دارىگەرلەرىنىڭ قاۋلىلارىنا سايكەس، توي وتكىزۋگە تىيىم سالىنعان. «كارانتين تالاپتارىن بۇزعان مەيرامحانا يەسىنە قاتىستى ءتيىستى ماتەريالدار تۇسكەن. قازىرگى ۋاقىتتا وسى فاكتى بويىنشا ش ق و س ە ب د سەمەي قالالىق سانيتاريالىق- ەپيدەميولوگيالىق باقىلاۋ باسقارماسى تەكسەرۋ جۇرگىزۋدە. سونىڭ ناتيجەلەرى بويىنشا كىنالى تۇلعالارعا ق ر «اكىمشىلىك قۇقىق بۇزۋشىلىق تۋرالى» كودەكسىنىڭ 425-بابى 1-بولىگىنە سايكەس اكىمشىلىك سيپاتتاعى شارالار قابىلداناتىن بولادى. تۇسكەن ماتەريالدار زاڭنامادا بەلگىلەنگەن مەرزىمدە قارالادى»، - دەپ حابارلادى ش ق و سانيتاريالىق- ەپيدەميولوگيالىق باقىلاۋ دەپارتامەنتىنىڭ باسپا ءسوز قىزمەتى. ۆەدومستۆو مالىمەتىنشە، شىعىس قازاقستان «جاسىل» ايماقتا بولسا دا ق ر جانە وبلىستىڭ باس مەملەكەتتىك سانيتاريالىق دارىگەرىنىڭ قاۋلىلارىمەن بەلگىلەنگەن شەكتەۋ شارالارىن قاتاڭ ساقتاۋ قاجەت.

اۆتور: تالعاتجان مۇحامەتبەك ۇلى