تۇركىستاننىڭ ەڭ ۇلكەن كىتاپحاناسى اشىلادى

بۇل تۋرالى قازاقپارات اكىمدىككە سىلتەمە جاساپ حابارلايدى.

400 ورىندىق وقۋ زالى بار، زاماناۋي تەحنولوگيالارمەن جابدىقتالعان ءبىلىم وشاعىندا 250 مىڭنان استام وقۋلىق قورى جيناقتالىپ، ۇنەمى جاڭارتىلىپ تۇرادى.

شاھارداعى قۇرىلىس الاڭدارىن ارالاعان وبلىس اكىمى ءومىرزاق شوكەيەۆ جاۋاپتى باسشىلارعا قۇرىلىستى شيراتۋدى تاپسىردى.

ءوڭىر باسشىسى اۋەجاي اۋماعىنداعى كوگالداندىرۋ بارىسىمەن تانىستى. سونىمەن قاتار ءومىرزاق شوكەيەۆ مادەني-رۋحاني ورتالىقتاعى جاڭا قۇرىلىس الاڭدارىنداعى اباتتاندىرۋ بارىسىن باقىلاپ قايتتى.

حالىقارالىق اۋەجاي اۋماعىنا 140 مىڭ اعاش وتىرعىزىلادى. سونىمەن قاتار، 400 گەكتار جەرگە 200 مىڭ ءتۇپ قارا ورىك ەگىلۋدە. تۇركىستان قالاسىندا جاقىن ۋاقىتتا بىرنەشە ساياباق پايدالانۋعا بەرىلەدى.

ولاردىڭ قاتارىندا ب. ساتتارحانوۆ داڭعىلى مەن ياساۋي كوشەسىنىڭ بويىندا ورنالاسقان «جەلىلىك ساياباق» پەن «ورتالىق ساياباق»، «تۇركى باعى» بار. سونداي-اق «ازىرەت سۇلتان قورىق مۇراجايىنىڭ اۋماعىن اباتتاندىرۋ دا اياقتالۋعا جاقىن. شىعىس ۇلگىسىندە سالىنىپ جاتقان «Keruen Saray « تۇرعىن ءۇي كەشەنىندە بولعان وبلىس اكىمى قۇرىلىس بارىسىمەن تانىستى.

رۋحاني-مادەني ورتالىقتا ورنالاسقان «Keruen Saray « تۇرعىن ءۇي كەشەنىندە جالپى اۋماعى 8 مىڭ شارشى مەتردەن اساتىن 125 باسپانا بوي كوتەرەدى.