تۇركى حالىقتارى ءاز- ناۋرىزدى انكارادا بىرگە تويلادى

انكارا. قازاقپارات - انكارادا كەچيورەن اۋدانى اكىمدىگىنىڭ ۇيىمداستىرۋىمەن قازاقستان، اۋعانستان، ازەربايجان، قىرعىزستان، وزبەكستان، تۇرىكمەنستان، تاجىكستان جانە پاكىستان ەلشىلىكتەرىنىڭ قاتىسۋىمەن ناۋرىز مەيرامىنا وراي سالتاناتتى شارا ءوتتى.

ءىس- شاراعا كەچيورەن اۋدانىنىڭ اكىمى تۋرگۋت التىنوك، اۋدان گۋبەرناتورى ۋعۋر بۋلۋت، قازاقستاننىڭ تۇركياداعى ەلشىسى ابزال ساپاربەك ۇلى، تۇركسوي باس حاتشىسى دۇيسەن قاسەيىنوۆ، قاتىسۋشى مەملەكەت ەلشىلەرى، اۋدان ماسليحاتى دەپۋتاتتارى، قالا تۇرعىندارى، قازاق دياسپوراسى مەن ستۋدەنتتەرى جانە ب ا ق وكىلدەرى قاتىستى. مەرەكەنىڭ اشىلۋ سالتاناتىندا ءسوز سويلەگەن ەلشى ا. ساپاربەك ۇلى ۇلىستىڭ ۇلى كۇنى - ناۋرىز مەيرامى كۇللى تۇركى الەمىنىڭ ورتاق ءتول مەرەكەسى ەكەنىن باسا ايتىپ، تامىرلى تاريحىمىزدان سىر شەرتتى. كۇن مەن ءتۇننىڭ تەڭەسكەن كۇنى، جاڭا جىلدىڭ باستاۋى ەكەنىن اتاپ وتكەن ەلشى، قازاقستان- تۇركيا ىنتىماقتاستىعى ماڭگى بولسىن دەپ تىلەدى.

https://sc ناۋرىز تويى بارىسىندا جەرگىلىكتى تۇرعىندار ءۇشىن قازاقتىڭ كيىز ءۇيى تىگىلىپ، حالقىمىزدىڭ باي مۇراسى ناسيحاتتالدى. قوناقتارعا ناۋرىز كوجە تاراتىلىپ، سالت- داستۇرلەرىمىزدىڭ تاريحى تانىستىرىلدى. سونداي- اق، تۇركيادا وتكەن «مەن جۇلدىز بولامىن» جارىسىنىڭ جەڭىمپازى قازاقستاندىق بالجامال نۇرلىبەك قىزى قازاقتىڭ اسەم اۋەنىمەن جينالعان قاۋىمدى ءتانتى قالدىردى. سونىمەن قاتار، تۇركياداعى قازاق تالىمگەرىمىز، عاينوللا الماتوۆ «كوروعلى» جانە «بالبىراۋىن» كۇيلەرىن انادولى جۇرتىنا پاش ەتتى.