الەم جۇلدىزدارى قازاقستاندىقتاردى ناۋرىز مەيرامىمەن قۇتتىقتاۋدا

دەپ حابارلايدى قازاقپارات سىرتقى ىستەر مينيسترلىگىنىڭ تەلەگرام كانالىنا سىلتەمە جاساپ حابارلايدى.

ىزگى تىلەك جولداۋشىلاردىڭ اراسىندا ايگىلى Daniel اياق كيىمدەر جەلىسىمەن تانىلعان مالايزيانىڭ ديزاينەرى دجيممي چۋ دا بار.

«بارشاڭىزعا قۇتتى ناۋرىز تىلەيمىن جانە قازاقستان تاۋەلسىزدگىنىڭ 30 جىلدىعىمەن شىن جۇرەكتەن قۇتتىقتايمىن. ناۋرىز قارساڭىندا بارلىق قيىنشىلىقتار ارتتا قالىپ، جاڭا جىلدا ءبارى جاڭارادى»، - دەدى ايگىلى ديزاينەر.

ال قازاق ەستراداسىنىڭ توي اندەرىن گەرمانيادا ناسيحاتتاۋ ارقىلى تانىمال بولعان بۇرىنعى وتانداسىمىز پاۋل فريدريح پەن ولگا كاسپەر قازاق جانە ورىس تىلدەرىندە جۇرەكجاردى تىلەكتەرىن ايتىپ، «شۋدىڭ بويىندا» ءانىن مۋزىكالىق سالەم ەتىپ جولدادى.

بولليۆۋد جۇلدىزى راحۋل كحاننا دا ءاز ناۋرىزعا وراي ەڭ ىزگى تىلەكتەرىن ارناپتى.

«ناۋرىز مەرەكەسىنە وراي بارشا قازاقستاندىقتارعا مىقتى دەنساۋلىق، باقىت، قۋانىش جانە بەرەكە تىلەگىم كەلەدى. جىل بويى داستارحاندارىڭىز استان ارىلماي، مولشىلىق سەرىك بولادى دەپ ۇمىتتەنەمىن. بارشاڭىز ءۇشىن ناۋرىز ايى تابىستى ءارى بەرەكەلى بولسىن! جاڭا جىلدارىڭىزبەن»، - دەيدى اكتەر.

قازاقستاندا تۋىپ، گەرمانيانىڭ زاڭ شىعارۋشى ينستيتۋتىندا تابىستى ەڭبەك ەتىپ جۇرگەن سولتۇستىك رەين ۆەستفاليانىڭ قالالىق وكرۋگتىك جانە جەر پارلامەنتىنىڭ دەپۋتاتى حاينريح سەرتيك تە ۇلىس كۇنى ەرەكشە مەيرام ەكەنىن اتاپ ءوتتى.

«ءبىرازدان كەيىن ناۋرىز مەيرامى كىرەدى. بۇل ەرەكشە مەيرام. بۇل - كوكتەمنىڭ، باقىتتىڭ، بەيبىتشىلىك پەن بەرەكە- بىرلىكتىڭ مەيرامى. مەن قازاقستاننىڭ تۋماسى رەتىندە سىزدەرگە شىن جۇرەكتەن بارلىق جاقسىلىقتاردى تىلەيمىن. گۇلدەنە بەرىڭىزدەر، دامي بەرىڭىزدەر»، - دەدى گەرمانيالىق دەپۋتات.

قۇتتىقتاۋشىلار اراسىندا سينگاپۋردەگى Gardens by the Bay ساياباعىنىڭ باس ديرەكتورى، ەكولوگيالىق ديزاينەر فەليكس لو دا بار.

اۆتور: ەسىمجان ناقتىباي