بەيجىڭدە ناۋرىز مەرەكەسى ءوتتى

شانحاي ىنتىماقتاستىق ۇيىمىنىڭ باس حاتشىسى ۆلاديمير نوروۆ قۇتتىقتاۋ سوزىندە كوكتەمگى كۇن مەن ءتۇننىڭ تەڭەسەتىن شاعى - ناۋرىز مەيرامىنىڭ ءۇش مىڭ جىلدان استام تويلانىپ كەلە جاتقانىن اتاپ ءوتتى. بۇل مەرەكە وركەندەۋ مەن يگىلىككە، بەيبىت ومىرگە دەگەن ءۇمىتتى بىلدىرەدى.

ونىڭ ايتۋىنشا، ناۋرىزدىڭ «جاسامپاز جانە بىرىكتىرۋشى رۋحى» «ش ى ۇ- نىڭ تابىستى دامۋى ءۇشىن بىرلىكتى، تۇتاستىقتى جانە ومىرشەڭ كۇشتى»، سونداي- اق «ەلدەرىمىزدە بەيبىتشىلىك پەن يگىلىكتى» قامتاماسىز ەتەتىن «شانحاي رۋحىنا» ساي كەلەدى.

قۇتتىقتاۋعا ق ح ر- دا تىركەلگەن ش ى ۇ مۇشە مەملەكەتتەردىڭ ەلشىلەرى قوسىلدى. «ش ى ۇ وتباسىلارى» حالىقتارىنىڭ ادەمى اۋەندەرى مەن اسەرلى بيلەرى، ناۋرىز داستارحانىنا قويىلعان ءداستۇرلى ءتۇرلى تاعامدار مەن اسپازدىق تاعامدار كوكتەم مەرەكەسىن جانداندىرىپ جىبەردى. قوناقتار ۇلتتىق پاۆيلونداردى ارالاپ، شانحاي ىنتىماقتاستىق ۇيىمىنا قاتىسۋشى ەلدەردىڭ ۇلتتىق قولونەر بۇيىمدارىمەن تانىستى.

ەستەرىڭىزگە سالا كەتەيىك، 2009 -جىلى ناۋرىز يۋنەسكو- نىڭ ادامزاتتىڭ ماتەريالدىق ەمەس مادەني مۇراسىنىڭ رەپرەزەنتاتيۆتى تىزىمىنە ەنگىزىلگەن بولاتىن. 2010 -جىلى ب ۇ ۇ باس اسسامبلەياسى 21 -ناۋرىزدى «حالىقارالىق ناۋرىز كۇنى» دەپ جاريالادى.

اۆتور: گۇلزات اقجولوۆا