ساۋىردە ازاماتتاردىڭ قاي ساناتى ۆاكسينا الادى

«ءبىرىنشى كەزەڭدە مەديتسينا قىزمەتكەرلەرىنە، پەداگوگتارعا، كۇشتىك قۇرىلىمداردىڭ وكىلدەرىنە ەكپە جاسادىق. وسى ساناتقا ۆاكسيناتسيا جالعاسا بەرەدى. ۆاكسينانىڭ قوسىمشا ۇلكەن جەتكىزىلىمى تۇسەتىندىگىن ەسكەرە وتىرىپ، سوزىلمالىق اۋرۋلارى بار، تاۋەكەل توبىنا كىرەتىن ادامداردى ۆاكسينالاۋ كوزدەلەدى. سونىمەن قاتار مەديتسينالىق- الەۋمەتتىك جانە وزگە دە جابىق مەكەمەلەردىڭ قىزمەتكەرلەرى مەن كونتينگەنتى ۆاكسينا الادى. ويتكەنى، جابىق مەكەمەلەردە كوروناۆيرۋس ينفەكسياسىنىڭ تارالۋى تاۋەكەلى ءبىرشاما جوعارى»، - دەدى ول.

ونىڭ اتاپ وتۋىنشە، الداعى ۋاقىتتا حالىقتىڭ باسقا ساناتتارى، ونىڭ ىشىندە 65 جاستان اسقان زەينەتكەرلەر دە كوروناۆيرۋس ينفەكسياسىنا قارسى ەكپەنى بىرتىندەپ الاتىن بولادى.

«قاراعاندى مەديتسينالىق فارماتسيەۆتيكا كەشەنىندە 600 مىڭ دوزا ۆاكسينا شىعارىلاتىن بولادى. بۇل وسى ۋاقىتقا دەيىن جاسالعان كەلىسىمشارت اياسىندا جۇزەگە اسىرىلادى. قازىرگى ۋاقىتتا قوسىمشا قاجەت ەكپەگە بايلانىستى «سپۋتنيك V « ۆاكسيناسىن وندىرۋشىلەرمەن كەلىسسوز جۇرگىزىلىپ جاتىر»، - دەدى ايجان ەسماعامبەتوۆا.

اۆتور: مارلان جيەمباي