جوعارعى سوت تاركىلەنگەن ۇشاققا قاتىستى ءىستى قاراپ، ءبىرىنشى ساتىداعى سوت شەشىمىن وزگەرتتى

جوعارى سوت باسپا ءسوز قىزمەتىنىڭ مالىمەتىنشە، «Fly Jet.kz» ج ش س 2020-جىلعى ماۋسىمدا Hawker 900 ح ر اۋە كەمەسىن كەدەندىك اۋماققا اكەلۋ كەزىندە كولىك قۇرالىن جانە ۋاقىتشا اكەلۋدىڭ ەكى ايلىق مەرزىمىن كورسەتىپ، كەدەندىك دەكلاراتسيانى رەسىمدەگەن.

«كورسەتىلگەن مەرزىم وتكەننەن كەيىن ج ش س اۋە كەمەسىن الىپ كەتپەگەن. مەرزىمدى ۇزارتۋ تۋرالى ءوتىنىش مەملەكەتتىك كىرىس ورگانىنا سول جىلدىڭ تامىز ايىندا، ياعني ۋاقىتشا اكەلۋ مەرزىمى وتكەننەن كەيىن جىبەرىلگەن. ۋاكىلەتتى ورگان مەن سوت قۇقىق بۇزۋشىنىڭ ارەكەتىن ەۋرازەق- تىڭ كەدەندىك اۋماعىنان ۋاقىتشا اكەلىنگەن حالىقارالىق تاسىمالداۋ كولىك قۇرالىن اكەتپەۋ (ا ق ب ت ك- ءنىڭ 543-بابىنىڭ 1-1-بولىگى) رەتىندە سارالاعان. ج ش س ورىن العان وسى قۇقىق بۇزۋشىلىقتى مويىنداعان. بۇل رەتتە، كەمە قوزعالتقىشىنىڭ سيفرلىق ەلەكتروندى جابدىعىنىڭ تەحنيكالىق اقاۋى ۋاقىتشا اكەلۋ مەرزىمىن ساقتاماۋعا سەبەپ بولعاندىعى تۋرالى قۇجاتپەن راستالعان مالىمەتتەر ۇسىنىلعان»، دەلىنگەن حابارلامادا.

باسپا ءسوز قىزمەتىنىڭ مالىمەتىنشە، سوتقا اقاۋدى جويۋ ءۇشىن قاجەتتى جابدىقتى اكەلۋ تۋرالى تاۋارلارعا ارنالعان دەكلاراتسيا (2020-جىلعى تامىز) تابىس ەتىلگەن.

ءبىرىنشى ساتىداعى سوت ج ش س- عا 30 ا ە ك (80 مىڭ تەڭگەدەن استام) ايىپپۇل سالىپ، اۋە كەمەسىن تاركىلەدى. اپەللياتسيا وسى شەشىمدى وزگەرىسسىز قالدىرعان. جوعارعى سوت ءىستى قاراپ، اۋە كەمەسىنىڭ مەنشىك يەسى ج ش س ەمەس، «Area Plus JV Limited» كومپانياسى ەكەنىن انىقتادى.

«ا ق ب ت ك- ءنىڭ 45-بابىنىڭ 2-بولىگىنە سايكەس، ەگەر ونىڭ ەرەكشە بولىگىندە باسقاشا كوزدەلمەسە، زاڭ بۇزۋشىنىڭ مەنشىگى عانا تاركىلەنۋگە جاتادى. بۇعان قوسا، كولىكتى تاركىلەۋ تۇرىندەگى جازا بالامالى (مىندەتتى ەمەس) شارا بولىپ تابىلادى جانە ونى قولدانۋ، قولدانباۋ جاعىن ءمان- جايلاردى ەسكەرە وتىرىپ، سوت شەشەدى.

ا ق ب ت ك- ءنىڭ ەرەكشە بولىگى باپتارىنىڭ سانكتسيالارىندا جازانىڭ بالامالى ءتۇرى بولعان كەزدە اكىمشىلىك جازانى دارالاندىرۋ قاعيداتىن قاتاڭ ساقتاۋدى تالاپ ەتەدى. سوندىقتان سوت جازا تاعايىنداۋ كەزىندە قۇقىق بۇزۋشىلىقتىڭ ءمان-جايىن ەسكەرىپ، الدىمەن ونشا قاتاڭ ەمەس جازانى، سودان كەيىن قاتاڭ جازانى قولدانۋ مۇمكىندىگىن قاراستىرۋى كەرەك»، دەلىنگەن حابارلامادا.

جوعارعى سوتتىڭ مامانداندىرىلعان سوت القاسى ءبىرىنشى ساتىداعى سوتتاردىڭ شەشىمدەرى مەن ءىس بويىنشا اپەللياتسيالاردى وزگەرتتى. اۋە كەمەسىن تاركىلەۋ تۇرىندەگى قوسىمشا اكىمشىلىك جازانىڭ كۇشى جويىلدى.