رەسەي ا ق ش- تاعى ەلشىسىن كەڭەسۋ ءۇشىن شاقىرىپ الدى
نۇر- سۇلتان. قازاقپارات – رەسەي ا ق ش- تاعى ەلشىسى اناتولي انتونوۆتى كەڭەسۋ ءۇشىن كەرى شاقىرىپ الدى، دەپ حابارلايدى «حابار 24».
ماسكەۋ مۇنى ەكىجاقتى قارىم- قاتىناس كەلەشەگىن ساراپتاۋ ءۇشىن قولعا العانىن ايتادى. رەسەي سىرتقى ىستەر مينيسترلىگىنىڭ مالىمدەۋىنشە، ماسكەۋ ا ق ش- پەن بايلانىستىڭ قۇلدىراپ، ناشارلاۋىن قالامايدى. سەبەبى ا ق ش- تا جاڭا ۇكىمەتتىڭ بيلىككە كەلگەنىنە ەكى ايدان اسىپ، جاڭا اكىمشىلىكتىڭ باعىت- باعدارىن باعالايتىن كەز جەتتى دەيدى.
ايتا كەتەيىك، رەسەي ءوز ەلشىسىن ا ق ش پرەزيدەنتى دجو بايدەننىڭ ABC تەلەارناسىنا بەرگەن سۇحباتىنان كەيىن شاقىرىپ وتىر. وندا اق ءۇي باسشىسى رەسەيدىڭ ا ق ش- تاعى پرەزيدەنتتىك سايلاۋعا ارالاسقانى تۋرالى ايتقان ەدى.
