قورعانىس مينيسترلىگىندە اسكەردى وزىق قارۋ-جاراقپەن جاراقتاندىرۋ ماسەلەسى تالقىلاندى
وتىرىسقا قاۋىپسىزدىك كەڭەسى اپپاراتىنىڭ وكىلدەرى، قازاقستان رەسپۋبليكاسى قارۋلى كۇشتەرىنىڭ، باسقا دا اسكەرلەر مەن اسكەري قۇرالىمدارىنىڭ، سونداي- اق ورتالىق مەملەكەتتىك ورگاندارىنىڭ باسشىلىعى قاتىستى.
ەلىمىزدىڭ قورعانىس قابىلەتىن نىعايتۋ، قارۋلى كۇشتەردىڭ، باسقا دا اسكەرلەر مەن اسكەري قۇرالىمداردىڭ قۇرىلىسى جانە دامۋ ماسەلەلەرى قارالدى. سونىمەن بىرگە ارميا مۇددەسى ءۇشىن عارىش سپۋتنيكتەرىن پايدالانۋ، قارۋلى كۇشتەردىڭ ب ۇ ۇ-نىڭ بىتىمگەرشىلىك وپەراتسيالارىنا (ميسسيالارىنا) قاتىسۋىن كەڭەيتۋ، اسكەردى وتاندىق جانە شەتەلدىك قارۋ-جاراق پەن اسكەري تەحنيكانىڭ زاماناۋي ۇلگىلەرىمەن جاراقتاندىرۋ، قازاقستاندىق قورعانىس ونەركاسىبى كەشەنىن دامىتۋدىڭ جەكەلەگەن باعىتتارى بويىنشا باياندامالار تىڭدالدى.
قازاقستان رەسپۋبليكاسى قارۋلى كۇشتەرىنىڭ، باسقا دا اسكەرلەرى مەن اسكەري قۇرالىمدارىنىڭ قۇرىلىسى جانە دامۋىنىڭ جاڭا تۇجىرىمداماسىن ىسكە اسىرۋ تەتىگىنىڭ ماسەلەلەرى تالقىلاندى. وتىرىستىڭ قورىتىندىسى بويىنشا مۇددەلى مەملەكەتتىك ورگاندارعا ۇسىنىستار مەن ۇسىنىمدار ازىرلەندى. ۆەدومستۆوارالىق كوميسسيا مەملەكەتتىڭ اسكەري قاۋىپسىزدىگىن قامتاماسىز ەتۋدىڭ ماسەلەلەرى مەن نەگىزگى باعىتتارىن قارايتىن كونسۋلتاتيۆتىك- كەڭەسشى ورگان بولىپ تابىلادى.
