گولوۆكين جاپون بوكسشىسى ريوتا مۋراتامەن جەكپە- جەك وتكىزۋى مۇمكىن

نۇر- سۇلتان. قازاقپارات - مەكسيكالىق بوكسشى حايمە مۋنگيانىڭ (36-0، 29 ك و) پروموۋتەرى فەرناندو بەلتران Fino Boxing-كە بەرگەن سۇحباتىندا قازاقستاندىق گەننادي گولوۆكيننىڭ (41-1-1، 36 كو ) ازىرگە ءوز كليەنتىمەن كۇرەسكىسى كەلمەيتىنىن ايتتى، دەپ حابارلايدى قازاقپارات Sports.kz-كە سىلتەمە جاساپ.

بەلتراننىڭ ايتۋىنشا، گولوۆكين WBA Super نۇسقاسى بويىنشا ورتا سالماقتاعى الەم چەمپيونى - جاپون بوكسشىسى ريوتا مۋراتاعا (16-2، 13 ك و) قارسى جەكپە- جەگىن وتكىزۋدى جوسپارلاپ وتىر. «گولوۆكين جاپون بوكسشىسىن قارسىلاسى ەتىپ تاڭدادى. ول - چەمپيون، سوندىقتان بۇنىڭ دا ءرولى زور. ونىڭ تاڭداۋىن قۇرمەتتەيمىن»، - دەدى بەلتران.