مەملەكەت باسشىسى: بيزنەستى زاڭسىز ارالاسۋدان قورعاۋ ماڭىزدى مىندەت

نۇر-سۇلتان. قازاقپارات - قازاقستان پرەزيدەنتى قاسىم-جومارت توقايەۆ الماتى قالاسىن ودان ءارى دامىتۋ ماسەلەلەرى جونىندە كەڭەس بارىسىندا بيزنەستى زاڭسىز ارالسۋدان قورعاۋ ماڭىزدى مىندەت ەكەنىن اتاپ ءوتتى، دەپ حابارلايدى قازاقپارات.

بۇل جەردە باقىلاۋ-قاداعالاۋ نەمەسە قۇقىق قورعاۋ قىزمەتى كەيپىندەگى رەيدەرلىك جانە بوپسالاۋ دەرەكتەرى جايىندا ءسوز بولىپ وتىر.

قاسىم-جومارت توقايەۆ ءوزىنىڭ تاپسىرماسى بويىنشا مۇنداي تەرىس ءىس-ارەكەتتەرگە قارسى كۇرەسكە باعىتتالعان زاڭنامالىق شارالار توپتاماسى دايىندالعانىن مالىمدەدى.

بۇل باعىتتاعى ءتيىستى جۇمىستار پارلامەنتتىڭ قازىرگى سەسسياسىنىڭ سوڭىنا دەيىن اياقتالادى.

- تۇپكى ماقسات - زاڭدىلىق تۇرعىسىنان بيزنەس پەن مەملەكەتتىك ورگاندار اراسىنداعى قاتىناستار مودەلىنىڭ ءمىنسىز بولۋى. سينگاپۋردى جەتىستىككە جەتكىزگەن ۇلگىنى الۋعا بولادى. مۇمكىن ەمەس نارسە جوق. ءبارى العا قويعان ماقساتقا جەتۋ جولىنداعى باتىلدىققا بايلانىستى، - دەدى مەملەكەت باسشىسى.