قازاقستاندىق ۆاكسينا قاشان شىعادى
بۇل تۋرالى ق ر دەنساۋلىق ساقتاۋ ۆيتسە- مينيسترلىگىنىڭ مەديتسينالىق جانە فارماتسيەۆتيكالىق باقىلاۋ كوميتەتى ءتوراعاسىنىڭ ورىنباسارى نۇرلىبەك اسىلبەكوۆ ايتتى، دەپ حابارلايدى قازاقپارات ءتىلشىسى.
«وزدەرىڭىزدە بىلەتىندەي، ۆاكسينانى ازىرلەۋمەن بيولوگيالىق قاۋىپسىزدىك پروبلەمالارى عىلىمي- زەرتتەۋ ينستيتۋتى اينالىسادى. ول ق ر ءبىلىم جانە عىلىم مينيسترلىگىنىڭ قۇرىلىمىنا كىرەدى. ولاردىڭ مالىمەتتەرىنە سايكەس، بۇگىندە بارلىعى دا جوسپارعا ساي جۇرگىزىلىپ جاتىر. كلينيكالىق سىناقتىڭ ءبىرىنشى جانە ەكىنشى ساتىسى اياقتالعانىن بىلەمىز. ءبىرىنشى ساتىسى 2020 -جىلدىڭ ناۋرىزىندا، ەكىنشىسى ساۋىردە اياقتالدى. وتكەن جىلدىڭ جەلتوقسان ايىنىڭ سوڭىندا ءۇشىنشى ساتى باستالدى. سوندىقتان ءبارى رەت- رەتىمەن كەلە جاتىر. ءساۋىر ايىنىڭ سوڭىندا ۆاكسينا دايىن بولادى دەپ كۇتىپ وتىرمىز. ءبىرىنشى كولەمى - 50 مىڭ دوزاعا دەيىن. ءساۋىردىڭ سوڭىندا العاشقى ونەركاسىپتىك پارتياسىنىڭ شىعارىلاتىندىعى كۇتىلەدى»، - دەدى ول ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا.
اۆتور: مارلان جيەمباي
