ماسكا تاقپاعان وسكەمەن اكىمىنە ايىپپۇل سالىندى

وسكەمەن. قازاقپارات - وسكەمەن قالاسىنىڭ اكىمى جاقسىلىق ومارعا ب. الەكساندروۆ اتىنداعى سپورت سارايىندا وتكەن شارادا ماسكا تاقپاعانى ءۇشىن ايىپپۇل سالىندى، دەپ حابارلايدى قازاقپارات ءتىلشىسى.

ەستەرىڭىزگە سالا كەتسەك، وسىعان دەيىن ش ق و سانيتاريالىق- ەپيدەميالوگيالىق باقىلاۋ دەپارتامەنتىنىڭ وسكەمەن اكىمىنە قاتىستى تەكسەرۋ جۇرگىزىپ جاتقاندىعىن حابارلاعان بولاتىنبىز.

«ب. الەكساندروۆ اتىنداعى سپورت سارايىندا وتكەن شاراعا قاتىسقان شاھار باسشىسى جاقسىلىق وماردىڭ ماسكا تاقپاي تۇسكەن فوتوسۋرەتىنە قاتىستى ب ا ق- تا تاراعان اقپاراتتار جانە جەكە تۇلعالاردىڭ وتىنىشتەرى مۇقيات قارالدى. سونىڭ ناتيجەسى بويىنشا اتالعان تۇلعاعا قاتىستى قىسقارتىلعان وندىرىستىك تارتىپپەن ق ر ا ق ب ت ك- ءنىڭ 425-بابىنىڭ 1-بولىگىنە سايكەس اكىمشىلىك ايىپپۇل سالىندى. قازىرگى ۋاقىتتا ج. ومار ايىپپۇلدى ءوز ەركىمەن تولەدى»، - دەپ حابارلادى دەپارتامەنتتىڭ باسپا ءسوز قىزمەتى.

وسى رەتتە، ۆەدومستۆو وكىلدەرى ش ق و باس مەملەكەتتىك سانيتاريالىق دارىگەرىنىڭ قاۋلىسىندا جازىلعان ماسكا تاعۋ تالابى بارلىق جەكە جانە زاڭدى تۇلعالار ءۇشىن مىندەتتى ەكەندىگىن ەسكە سالدى.

ايتا كەتەيىك، كارانتين تالابىن بۇزعان قالا اكىمى 15 ا ە ك، ياعني 43755 تەڭگە مولشەرىندە ايىپپۇل تولەگەن.

اۆتور: تالعاتجان مۇحامەتبەك ۇلى