قوستانايدا زەينەتكەرلەرگە ارناعان ۋنيۆەرسيتەت اشىلدى

قوستاناي. قازاقپارات - قوستانايدا ا. بايتۇرسىنوۆ اتىنداعى ۋنيۆەرسيتەت جانىنان زەينەتكەرلەرگە ارنالعان ۋنيۆەرسيتەت اشىلدى.

بۇل تۋرالى قازاقپارات تىلشىسىنە «كۇمىس ۋنيۆەرسيتەت» جوباسىنىڭ ۇيلەستىرۋشىسى، ا. بايتۇرسىنوۆ اتىنداعى ق م ۋ- دىڭ قاشىقتان وقىتۋ جانە قوسىمشا ءبىلىم بەرۋ ينستيتۋتىنىڭ ديرەكتورى ازامات جاكەيەۆ ايتتى.

ق م ۋ- دا «كۇمىس ۋنيۆەرسيتەت» جوباسى ىسكە قوسىلدى. ءا. جاكەيەۆ ايتىپ وتكەندەي، بۇل - الەۋمەتتىك قىزمەت كورسەتۋدىڭ يننوۆاتسيالىق ءتۇرى، ول ءوزىن- ءوزى دامىتۋ ماقساتىندا ەگدە جاستاعى ازاماتتاردى وقىتۋدى كوزدەيدى.

«جوبانى ىسكە قوسۋ كەزىندە ءبىز 18 نەگىزگى باعىتتى انىقتادىق. بۇل - كومپيۋتەرلىك ساۋاتتىلىق، وندا ءبىز زەينەتكەرلەردى الەۋمەتتىك جەلىلەرمەن جۇمىس ىستەۋگە جانە پايدالانۋعا ۇيرەتەمىز. قۇقىقتىق، ەكونوميكالىق، ۆەتەرينارلىق، ەكولوگيالىق، اگرونوميالىق، پسيحولوگيالىق باعىتتار بار، سونداي-اق تىلدىك كۋرستار، فيلوسوفيالىق باعىت، مەدياساۋاتتىلىق جانە باسقالار بار. وقۋ ۋنيۆەرسيتەت قابىرعاسىندا وتەدى، كۋرستاردى جوو وقىتۋشىلارى وتكىزەدى. ساباقتار 15 ى كۇنى باستالدى»، - دەپ اتاپ ءوتتى جوبا ۇيلەستىرۋشىسى.

ساباققا بارلىق نيەت بىلدىرگەن زەينەتكەر قاتىسا الادى. ولاردىڭ ەڭ ۇلكەنى - 80 جاستا.

«قازىر بىزگە زەينەتكەرلەردەن كوپتەگەن وتىنىشتەر ءتۇسىپ جاتىر. ەگەر جوبانىڭ باسىندا تەك 30-عا جۋىق ادام وقۋعا نيەت بىلدىرگەن بولسا، بۇگىندە ولاردىڭ سانى 160-تان استى»، - دەپ قوستى ا. جاكەيەۆ.