اتىراۋ وبلىسىندا جەڭىل كولىك جايىققا باتىپ كەتتى

اتىراۋ. قازاقپارات - اتىراۋ وبلىسىندا جەڭىل كولىك جايىققا ءتۇسىپ كەتتى، دەپ حابارلايدى قازاقپارات.

ماحامبەت اۋداندىق اكىمدىگى ۇيىمداستىرۋ، جۇمىلدىرۋ دايىندىعى جانە مەملەكەتتىك قىزمەت ساپاسىن باقىلاۋ ءبولىمىنىڭ باس مامانى ن. بەردىعالييەۆتىڭ مالىمەتىنشە، وقىس وقيعا كەشە، 15 -ناۋرىزدا بولعان.

«كەشكى ساعات 19:05 شاماسىندا ماحامبەت اۋىلىنىڭ تۇرعىنى مەنشىگىندەگى «نيۆا شيەۆرولە» اۆتوكولىگىمەن جايىق وزەنىنىڭ ۇستىمەن وتپەك بولعان. الايدا، «وتكەل» ەلدى مەكەنى تۇسىندا جۇقا مۇز جارىلىپ، اۆتوكولىك سۋعا باتا باستاعان. جۇرگىزۋشى كولىكتەن شىعىپ، جاعالاۋعا جەتكەن. سودان سوڭ اۋداندىق توتەنشە جاعدايلار بولىمىنە حابارلاعان»، - دەپ ءمالىم ەتتى ن. بەردىعاليەۆ.

ونىڭ ايتۋىنشا، وبلىستىق توتەنشە جاعدايلار دەپارتامەنتىنىڭ 3 سۇڭگۋىر- قۇتقارۋشىسى كەلىپ، سۋ استىنداعى كولىكتى سۇيرەپ شىعارۋ ءىشىن تروسس بايلاعان. سۋعا باتقان كولىك بۇگىن، 16 -ناۋرىزدا ساعات 13:40-تا جاعالاۋعا شىعارىلعان. وعان اۋداندىق توتەنشە جاعدايلار ءبولىمىنىڭ 6 قىزمەتكەرى، 2 تراكتور، پوليتسيا قىزمەتكەرلەرى جۇمىلدىرىلدى.

«جايىق وزەنىندە قاتقان مۇز ۇستىمەن اۆتوكولىكپەن وتۋگە تىيىم سالىنعان. سوعان قاراماستان، بۇل - اۋداندا تىركەلگەن ەكىنشى دەرەك. بۇدان بۇرىن، 7 -ناۋرىزدا جالعانساي اۋىلى تۇرعىنىنىڭ باسقارۋىنداعى «لادا گرانتا» اۆتوكولىگى جايىق وزەنىنە ءتۇسىپ كەتكەن ەدى. مۇنداي وقىس وقيعانىڭ ورىن الۋىنا كولىك جۇرگىزۋشىلەرىنىڭ قاۋىپسىزدىكتى ساقتاماي، بەلگىلەنبەگەن جەرلەردەن وتۋگە ۇمتىلۋى سەبەپ بولىپ وتىر» - دەيدى ن. بەردىعاليەۆ.