تۇركىستاندا بەكزات ساتتارحانوۆ اتىنداعى حالىقارالىق تۋرنير باستالدى
تۇركىستان وبلىسى اكىمىنىڭ باسپا ءسوز قىزمەتىنە سىلتەمە جاساپ.
جارىستىڭ اشىلۋ سالتاناتىندا تۇركىستان وبلىسىنىڭ اكىمى ءومىرزاق شوكەيەۆ قۇتتىقتاۋ ءسوز سويلەدى.
«بوكس سپورتى جاستارىمىزدى قايسارلىققا، پاتريوتتىق رۋحىن قالىپتاستىرۋعا، ءوزارا قارسىلاستارىن قۇرمەتتەۋگە، دوستىق قاتىناستى قالىپتاستىرۋعا زور سەپتىگىن تيگىزەدى. ەلىمىز تاۋەلسىزدىگىن العالى بەرى ەلىمىزدە سپورتتىڭ بوكس ءتۇرى قارقىندى دامۋدا. سپورتشىلارىمىز حالىقارالىق ارەنالاردا كوك تۋىمىزدى جەلبىرەتىپ، وليمپيادا ويىندارى مەن الەم جانە ازيا چەمپيوناتتارىنىڭ جەڭىمپازدارى جانە جۇلدەگەرلەرى اتاندى. جارىسقا قاتىسۋشى بوكسشىلارعا ساتتىلىك تىلەي وتىرىپ، شارشى الاڭدا تەك مىقتىلاردىڭ جەڭىپ شىعۋىنا تىلەكتەسپىن»، - دەدى وبلىس اكىمى ءومىرزاق ەستاي ۇلى.
بەكزاتتىڭ اناسى سارلىكۇل ساتتارحانوۆا باتىر ۇلى تۋرالى ەستەلىك ايتىپ، جارىستى ۇيىمداستىرۋشىلارعا العىس ءبىلدىردى.
سايىسقا ارنايى قاتىسقان سپورتشىلار بەكزاتتاي باتىر ماڭگى ەل ەسىندە ساقتالاتىنىن جانە وعان دەگەن قۇرمەت ءاردايىم جوعارى بولاتىنىن ايتتى. تۇركىستان تورىندەگى دوداعا قىتاي مەن وزبەكستان ەلدەرىنەن جانە ەلىمىزدىڭ بارلىق وڭىرىنەن 130 عا جۋىق سپورتشى كەلدى.
ولارعا 11 سالماق دارەجەسىندە جۇلدەدەر تاپسىرىلادى. جارىس كەزىندە بارلىق كارانتين تالاپتارى قاتاڭ ساقتالادى. قاتىسۋشىلاردىڭ دەنە قىزىۋى تەكسەرىلىپ، اراقاشىقتىق ساقتالعان.
بۇل جارىسقا بوكستان 2002-2004-جىلدارى تۋعان جاستار سايىسقا ءتۇسىپ جاتىر. جارىس جەڭىمپازى اتانعان سپورتشىعا «سپورت شەبەرى» اتاعى بەرىلەدى.
سيدنەي وليمپياداسىنىڭ جەڭىمپازى، 1-دارەجەلى «بارىس» وردەنىنىڭ يەگەرى، قازاقستان رەسپۋبليكاسىنا ەڭبەگى سىڭگەن سپورت شەبەرى بەكزات ساتتارحانوۆتى ەسكە الۋعا ارنالعان جاستار اراسىنداعى بوكستان XIX حالىقارالىق ءتۋرنيرى ناۋرىزدىڭ 20 نا دەيىن جالعاسادى.
سايىس جەڭىمپازدارى ءساۋىر ايىندا پولشادا وتەتىن الەم چەمپيوناتىنا جولداما الادى. تۇركىستان وبلىسىنىڭ بوكسشىلارى قازاقستاندا ۇزدىكتەر قاتارىندا تۇر.
وڭىردە 8 وبلىستىق، 18 قالالىق جانە 7 اۋداندىق سپورت مەكتەپتەرىندە بوكس بولىمدەرى جۇمىس ىستەيدى. وندا 252 جاتتىقتىرۋشى 6 مىڭنان استام بالاعا وقۋ-جاتتىعۋ جۇمىستارىن جۇرگىزەدى.
بوكستان ەرەسەكتەر اراسىندا حالىقارالىق، رەسپۋبليكالىق تۋرنيرلەر جىل سايىن وتەدى. سونداي-اق، ەل چەمپيوناتتارى مەن بىرىنشىلىكتەرىنە تۇركىستان وبلىسىنىڭ ىرىكتەۋ سايىستارى وتكىزىلەدى.
