07:07, 16 - ناۋرىز 2021 | GMT +5
سەيسەنبىدە ەل اۋماعىندا اۋا رايى قانداي بولادى؟
نۇر-سۇلتان. قازاقپارات - «قازگيدرومەت» ماماندارى 16- ناۋرىزعا ارنالعان اۋا رايى بولجامىن ۇسىندى، دەپ حابارلايدى قازاقپارات.
قازاقستان تەرريتورياسىنىڭ باسىم بولىگىندە ءالى دە جاۋىن- شاشىنسىز اۋا رايى ساقتالادى. تەك وڭتۇستىكتە جانە شىعىستا اتموسفەرالىق فرونتتاردىڭ وتۋىنە بايلانىستى تۇراقسىز اۋا رايى ساقتالادى، كەي جەرلەردە جاڭبىر مەن قار جاۋادى.
كەي جەرلەردە تۇمان ءتۇسىپ، جەل كۇشەيەدى، شىعىستا جاياۋ بۇرقاسىن سوعادى.
جامبىل وبلىسىندا، كۇندىز تۇركىستان، اتىراۋ، باتىس قازاقستان وبلىستارىنىڭ كەي جەرلەرىندە تۇمان تۇسەدى، كۇشتى جەل تۇرادى.
ماڭعىستاۋ وبلىسىندا، كۇندىز سولتۇستىك قازاقستان وبلىسىنىڭ كەي جەرلەرىندە جەل ەكپىنى قاتتى بولادى.
اقمولا، الماتى، قىزىلوردا، اقتوبە، قوستاناي، شىعىس قازاقستان، پاۆلودار وبلىستارىنىڭ كەي جەرلەرىندە تۇمان تۇسەدى.
تۇندە شىعىس قازاقستان وبلىسىنىڭ كەي جەرلەرىندە بوران سوعادى.
