قىتايعا جۇك ەكسپورتتاۋعا «دوستىق» ستانسياسىنان تىيىم الىنىپ تاستالدى
بۇل تۋرالى «قازاقستان تەمىر جولى - جۇك تاسىمالى» ج ش س- نىڭ باسپا ءسوز قىزمەتىنەن ءمالىم ەتتى، دەپ حابارلايدى قازاقپارات.
ءمالىم ەتىلگەندەي، ق ح ر- مەن الدىن الا كەلىسىلگەن تاسىمالداۋ جوسپارى بار جۇك جونەلتۋشىلەر ەكسپورت ماقساتىنداعى جۇكتەردى تيەۋدى باستاي الادى. دەگەنمەن، «دوستىق» ستانتسياسى باعىتىندا كەلەسى تاسىمالدارعا تىيىم ءالى دە ساقتالىپ وتىر: 30-ناۋرىزعا دەيىن - ترانزيتتى جۇكتەرگە، 20-ناۋرىزعا دەيىن - جابىق ۆاگونداردا جانە استىق تاسىمالداۋ ترانسپورتىندا بارلىق استىق جۇكتەرىن وتكىزۋگە.
«ەستەرىڭىزگە سالا كەتەيىك، ۋاقىتشا شەكتەۋلەر سالالىق قاۋىمداستىقتار مەن جۇك جونەلتۋشىلەردىڭ ءوتىنىشى بويىنشا ەنگىزىلگەن. بۇل ماسەلە «اتامەكەن» ق ر ۇ ك پ، قازاقستان رەسپۋبليكاسى يندۋستريا جانە ينفراقۇرىلىمدىق دامۋ مينيسترلىگىنىڭ الاڭدارىندا جۇك جونەلتۋشىلەرمەن، ەكسپورتتاۋشىلارمەن تالقىلاندى. جۇك جونەلتۋشىلەر ەنگىزىلگەن شەكتەۋلەرگە تۇسىنىستىكپەن قارادى. جونەلتۋشىلەر تاراپىنان ەشقانداي شاعىمدار بولعان جوق. كەرىسىنشە، جاعدايعا تۇسىنىستىك تاڭىتىپ، جۇكتى جەتكىزۋ جولىن وزگەرتتى»، - دەدى كومپانيانىڭ باسپا ءسوز قىزمەتىنەن.
