كوروناۆيرۋس: برازيليا الەمدە ەكىنشى ورىندا تۇر، يتاليا ۇيدەن شىعۋعا تىيىم سالدى

نۇر-سۇلتان. قازاقپارات - كوروناۆيرۋستىڭ تارالۋىنا قارسى ۆەدومستۆوارالىق كوميسسيا الەمدەگى ەپيدەميولوگيالىق جاعدايعا شولۋ جاسادى، دەپ حابارلايدى قازاقپارات.

برازيليا كوروناۆيرۋس ينفەكتسياسىن جۇقتىرعاندار سانى بويىنشا الەمدە ەكىنشى ورىنعا شىقتى. سونداي-اق، مۇندا كۇندەلىكتى ك ۆ ي ءولىمىنىڭ جاڭا رەكوردى ورنادى: ءبىر كۇندە 2300 گە جۋىق ادام قايتىس بولدى.

Covid-19 تارالۋىن توقتاتۋ ماقساتىندا بيلىك رەسەيلىك «سپۋتنيك V» ۆاكتسيناسىن ساتىپ الۋعا كەلىسىمشارت جاساستى. اتالعان ۆاكتسينانىڭ 10 ميلليون دوزاسى AstraZeneca جانە Sinovac كومپانيالارىنىڭ پرەپاراتىمەن بىرگە قوسىمشا ءساۋىر ايىنان باستاپ ەلگە ءۇش كەزەڭمەن جەتكىزىلمەك.

تۇركيا تۋريستىك سالا قىزمەتكەرلەرىن ۆاكتسينالاۋ باعدارلاماسىن جۇزەگە اسىرۋا باستادى.

«ءبىز ۆاكتسيناتسيا جۇرگىزۋ ءۇشىن تۋريستىك سەكتور قىزمەتكەرلەرىن تىركەۋدى باستادىق» دەپ حابارلادى ەلدىڭ مادەنيەت جانە تۋريزم مينيسترلىگى.

اتالعان ءىس-شارا «قاۋىپسىز تۋريزم» باعدارلاماسى اياسىندا وتۋدە. يتاليانىڭ توعىز ايماعى 15- ناۋرىزدان باستاپ ماكسيمالدى شەكتەۋ شارالارىن قامتيتىن «قىزىل ايماققا» اۋىستى.

ال قالعان وڭىرلەرى «قىزعىلت سارى» ايماقتا قالادى. ەلدە تاۋلىگىنە covid-19-دىڭ 27 مىڭعا جۋىق جاڭا جاعدايى انىقتالىپ جاتىر.

«قىزىل ايماقتا» ورنالاسقان وڭىرلەردە ۇيدەن سەبەپسىز شىعۋعا تىيىم سالىنعان، ازىق-تۇلىك دۇكەندەرى مەن ءدارىحانالاردان باسقا بارلىق ساۋدا نىساندارى جابىق.

«قىزعىلت سارى ايماق» تۇرعىندارىنا جۇمىسقا نەمەسە دارىگەرلەرگە بارۋدان باسقا، ەلدىمەكەننەن شىعۋعا تىيىم سالىنعان.