09:45, 15 - ناۋرىز 2021 | GMT +5
ۇستەل تەننيسى: وليمپياداعا ىرىكتەۋ تۋرنيرىندەگى قازاقستاندىقتاردىڭ قارسىلاستارى انىقتالدى
پاۆلودار. قازاقپارات - بۇگىن كاتار استاناسى دوحادا ۇستەل تەننيسىنەن وليمپياداعا الەمدىك ىرىكتەۋ ءتۋرنيرى باستالدى، دەپ حابارلايدى قازاقپارات Olympic.kz-كە سىلتەمە جاساپ.
ەرلەر اراسىندا 78، ايەلدەر اراسىندا 63 سپورتشى توكيو وليمپياداسىنىڭ توعىز جولداماسىنا تالاسادى.
وليمپيادا ليتسەنزياسىنان ءۇمىتتى قازاقستاندىق تەننيسشىلەردىڭ العاشقى قارسىلاستارى انىقتالدى.
اتاپ ايتار بولساق، ايدوس كەنجەعۇلوۆ ليۋكسەمبۋرگ وكىلى ەريك كلودپەن، زاۋرەش اقاشيەۆا ۋەلستىك شارلوتت كەريمەن، اناستاسيا لاۆروۆا يتاليالىق دەبورا ۆميراۆەلليمەن سىنعا تۇسەدى.
ال قازاقستان كومانداسىنىڭ كوشباسشىسى كيريلل گەراسيمەنكو ليۋبومير ياپچارجيك (چەحيا) - براين مۋتۋا (كەنيا) جۇبىنىڭ جەڭىمپازىنا قارسى وينايدى.
