الماتى وبلىسىندا ماس جۇرگىزۋشى كولىگىمەن قاققان وقۋشىنىڭ ءبىرى كوز جۇمدى

تالدىقورعان. قازاقپارات - الماتى وبلىسىندا ماس جۇرگىزۋشى كولىگىمەن قاققان وقۋشىنىڭ ءبىرى كوز جۇمدى، دەپ حابارلايدى قازاقپارات ءتىلشىسى.

«وقۋشىنىڭ ءبىرى كوز جۇمدى. باسقا تاعى ەكى ناۋقاستىڭ دەنساۋلىعى جايىندا اقپارات بەرە المايمىز. سەبەبى، بالالاردىڭ اتا-انالارى ولاردىڭ دەنساۋلىعى جايىندا قانداي دا ءبىر اقپاراتتىڭ تارالۋىنا قارسى»، - دەدى الماتى وبلىستىق دەنساۋلىق ساقتاۋ باسقارماسى باسپا ءسوز قىزمەتىنىڭ وكىلى ءلايلىم اۋباكىروۆا.

ەستەرىڭىزگە سالا كەتەيىك، 2- ناۋرىز كۇنى ەڭبەكشىقازاق اۋدانىندا ماس جۇرگىزۋشى ساباقتان قايتىپ كەلە جاتقان 4 وقۋشى قىزدى كولىگىمەن قاعىپ كەتتى. ونىڭ ۇشەۋى اۋرۋحاناعا جاتقىزىلدى. بالالار 8-9 جاستا.

ايتا كەتەرلىگى، پرەزيدەنت قاسىم-جومارت توقايەۆ ماس جۇرگىزۋشىگە قاتىستى تەرگەۋدى ءوز باقىلاۋىنا الدى.