14:53, 13 - ناۋرىز 2021 | GMT +5
قازاقستاندىق بوكسشىلار حالىقارالىق ءتۋرنيردىڭ فينالىنا شىقتى
نۇر-سۇلتان. قازاقپارات - گەرمانيانىڭ كەلن قالاسىندا حالىقارالىق بوكس ءتۋرنيرىنىڭ فينالىنا شىققان قازاقستاندىق سپورتشىلار بەلگىلى بولدى، دەپ حابارلايدى قازاقپارات Olympic.kz-كە سىلتەمە جاساپ.
جارىستىڭ كەزەكتى كۇنىندە 52 كەلىدە ساكەن بيبوسىنوۆ جارتىلاي فينالدا قارسىلاسىنىڭ شارشى الاڭعا شىقپاۋى سەبەپتى فينالعا جولداما الدى.
اعايىندى ايبەك پەن نۇربەك جارىستاعى جەڭىستى جولىن جالعاستىرىپ كەلە جاتىر. ايبەك 81 كەلىدە، نۇربەك 91 كەلىدە فينالدا جۇدىرىقتاسادى.
57 كەلىدە ورازبەك اسىلقۇلوۆ جارتىلاي فينالدا كەزەكتى قارسىلاسىن ۇتىپ، فينالعا شىقتى. سونىمەن قاتار، جارىستىڭ كەشكى سەسسياسىندا قۇراما كاپيتانى قامشىبەك قوڭقاباي (+91 كەلى) مەن ەرتۋعان زەينۋللينوۆ (63 كەلى) التىن ءۇشىن جەكپە-جەك وتكىزەدى.
