الەكسەي سوي: قازاقستاندا دارىگەرلەردىڭ الدى ميلليون تەڭگەگە جۋىق جالاقى الادى

نۇر- سۇلتان. قازاقپارات - قازىرگى ۋاقىتتا مەديتسينالىق قىزمەتكەرلەر 200-800 مىڭ تەڭگە كولەمىندە جالاقى الادى.

بۇل تۋرالى ق ر دەنساۋلىق ساقتاۋ ءمينيسترى الەكسەي سوي «حابار» ارناسىنە بەرگەن سۇحباتىندا ايتتى، دەپ حابارلايدى قازاقپارات ءتىلشىسى.

«وتكەن جىلى مەديتسينالىق قىزمەتكەرلەرگە 113 ميلليارد تەڭگەدەن استام كولەمدە الەۋمەتتىك تولەم جاسالدى. قازىرگى ۋاقىتتا مەديتسينالىق قىزمەتكەرلەر 200-800 مىڭ تەڭگە كولەمىندە جالاقى الادى»، - دەيدى ق ر دەنساۋلىق ساقتاۋ ءمينيسترى الەكسەي سوي.

ونىڭ ايتۋىنشا، بىلتىر دارىگەرلەردىڭ جالاقىسى %30 ارتقان.

«وسىعان بايلانىستى رەسپۋبليكالىق بيۋدجەتتەن قاراجات بولىنەدى. بۇل تۇرعىدا مەملەكەت باسشىسى ءبىزدى قولدادى. جىل وتكەنن سايىن دارىگەرلەردىڭ جالاقىسى وسەدى، بۇعان قاتىستى مەملەكەت تارارىنان قولداۋ بار»، - دەيدى ول.

اۆتور: زارينا قاھارمان