الەكسەي سوي ەلىمىزدە ەپيدەميولوگيالىق جاعداي قانداي ەكەنىن ايتتى
بۇل تۋرالى ق ر دەنساۋلىق ساقتاۋ ءمينيسترى الەكسەي سوي «حابار» تەلەارناسىندا ايتتى، دەپ حابارلايدى قازاقپارات ءتىلشىسى.
«بۇگىنگى تاڭدا ەلىمىزدە كوروناۆيرۋس بويىنشا ەپيدەميولوگيالىق جاعداي تۇراقتى. قاڭتار ايىمەن سالىستىرعاندا كوروناۆيرۋسپەن اۋىرعاندار سانى %30 ازايدى، سوندىقتان ورىنسىز دۇرلىگۋدىڭ قاجەتى جوق»، - دەيدى ق ر دەنساۋلىق ساقتاۋ ءمينيسترى.
ونىڭ ايتۋىنشا، جوسپارلى ۆاكسينا ەگۋ باستالدى جانە ەڭ الدىمەن ۆاكسينا جۇقپالى اۋرۋلارعا ارنالعان ستاتسيونارلاردا جۇمىس ىستەيتىن مەديتسينا قىزمەتكەرلەرىنە ەگىلەدى.
«ۆاكسينا ەگىلەتىندىكتەن دارىگەرلەردىڭ قاۋىپسىزدىگىنە قاتىستى قوسىمشا كەپىلدىك بار دەپ ايتۋعا بولادى. بىلتىر كوروناۆيرۋس ينفەكسياسى الەم بويىنشا جىلدام تاراپ كەتتى، ءبىراق ءبىز شۇعىل شارالار قولداندىق. ءتىپتى ءار وڭىردە حالىقارالىق تالاپقا ساي جۇقپالى اۋرۋلار اۋرۋحاناسىن سالىپ، وكپەنى جاساندى جەلدەتۋ اپپاراتىمەن جانە باسقا دا مەديتسينالىق قۇرىلعىلارمەن قامتاماسىز ەتتىك. اۋداندارداعى اۋرۋحانالار %100 جەدەل جاردەم كولىگىمەن، رەنتگەن اپپاراتىمەن قامتاماسىز ەتىلدى. ءار ايماقتاعى قويمالارعا ءدارى- دارمەكتەر ارتىعىمەن جەتكىزىلدى. كوروناۆيرۋسپەن اۋىرعاندار تەگىن ەمدەلەدى. بۇل - وتە ماڭىزدى. جۇقپالى اۋرۋلارعا ارنالعان ستاتسيوناردا توسەك- ورىننىڭ %18 ى، ال جانساقتاۋ بولىمدەرىندە 12 پايىزى بوس ەمەس. ەلىمىز بويىنشا اۋرۋحانالاردا قازىر 22 مىڭ توسەك- ورىن بار. 50 مىڭ توسەك-ورىنمەن قامتاماسىز ەتۋگە دەيىن مۇمكىندىگىمىز بار»، - دەيدى ول.
اۆتور: زارينا قاھارمان
