تانىمالى كومپانياعا قىتاي تاريحىندا ەڭ ءىرى كولەمدەگى ايىپپۇل سالىنباق
بۇل تۋرالى Wall Street Journal حابارلايدى.
قىتايدىڭ نارىقتى باقىلاۋ جانە رەتتەۋ جونىندەگى باستى مەملەكەتتىك باسقارماسى 2020 -جىلدىڭ سوڭىندا اتالعان كومپانياعا قاتىستى مونوپولياعا قارسى تەرگەۋ باستاعان. ال Alibaba بيلىكتىڭ تەرگەۋ جۇرگىزۋىنە ەش كەدەرگى كەلتىرمەيتىنىن، جۇمىسىن دا قالپىنشا جالعاستىرا بەرەتىنىن مالىمدەگەن بولاتىن.
دەرەككوزدىڭ ايتۋىنا قاراعاندا، Alibaba-عا سالىناتىن ايىپپۇل 975 ميلليون دوللاردان دا اسادى. ەستەرىڭىزدە بولسا، 2015 -جىلى باسەكەگە كەدەرگى كەلتىردى دەپ ايىپتالعان Qualcomm كومپانياسى وسىنداي مولشەردە ايىپپۇل تولەگەن. ودان قالدى، كومپانيادان «ەر سيۋان ي» نەمەسە «ەكەۋىنىڭ ءبىرىن تاڭدا» تاجىريبەسىنەن باس تارتۋ تالاپ ەتىلمەك. اڭگىمە Taobao جانە Tmall پلاتفورمالارى جايلى. بۇل ەكەۋىنىڭ دە وپەراتورى - Alibaba. Alibaba Group - قىتايدىڭ ەڭ ءىرى ينتەرنەت- كومپانياسى. ەلەكتروندى ساۋدا سالاسىندا 1999 -جىلدان بەرى جۇمىس ىستەپ كەلەدى. توپقا Alibaba Pictures, AliExpress, Taobao, Tmall ۇيىمدارى كىرەدى.
www.24.kz
