ارنايى وپەراتسيا: قۇقىق قورعاۋ ورگاندارى قىزمەتكەرلەرى قۇرامىنا كىرگەن ترانسۇلتتىق قىلمىستىق توپ جويىلدى

«10-ناۋرىزدا ۇلتتىق قاۋىپسىزدىك كوميتەتى ىشكى ىستەر مينيسترلىگىمەن بىرلەسىپ نۇر- سۇلتان، الماتى، پاۆلودار جانە سەمەي قالالارىندا اۋىر جانە اسا اۋىر قىلمىستار جاساۋعا قاتىسى بار ۇيىمداسقان قىلمىستىق توپتىڭ جولىن كەسۋ بويىنشا ءىرى اۋقىمدى ارنايى وپەراتسيا جۇرگىزدى. ۇستالعان توپتىڭ 16 مۇشەسى ادام ۇرلاۋ، بوپسالاۋ، كىسى ولتىرۋگە وقتالۋ، شىعىس قازاقستان وبلىسىنداعى كاسىپورىنداردىڭ بىرىنەن قۇرامىندا التىنى بار شيكىزاتتى ۇرلاۋ جانە ونىڭ ق ر شەگىنەن تىس كونترابانداسى، سونداي- اق ترانسۇلتتىق قىلمىستىق توپ قۇرۋ جانە وعان باسشىلىق جاساۋ ايىپتارى تاعىلىپ وتىر»، دەلىنگەن حابارلامادا.
كوميتەتتىڭ حابارلاۋىنشا، قىلمىستىق توپتىڭ قۇرامىنا قۇقىق قورعاۋ ورگاندارىنىڭ ارەكەتتەگى جانە بۇرىنعى قىزمەتكەرلەرى كىرگەن.
«ۇستاۋ بارىسىندا قاسكۇنەمدەردەن ولاردىڭ جاساعان قىلمىستارىن راستايتىن ءىرى سوماداعى اقشالاي قاراجات، ماتەريالدىق قۇندىلىقتار، بايلانىس قۇرالدارى جانە وزگە دە زاتتار تابىلىپ، الىندى. جەدەل- تەرگەۋ ءىس- شارالارى جالعاسۋدا»، دەلىنگەن حابارلامادا.