الەكسەي سوي حالىققا مەرەكە قارساڭىندا ۇندەۋ جاسادى
«مەرەكەلىك دەمالىس كۇندەرى قارساڭىندا تاعى دا ەستەرىڭىزگە سالا كەتكىم كەلەدى. كۇز بەن كوكتەمدە ءجىتى رەسپيراتورلىق ۆيرۋستى ينفەكتسيا (رينوۆيرۋس، ادەنوۆيرۋس، پاراگريپپ ۆيرۋس جانە باسقالارى) اسقىنادى. قازىر جرۆي ماۋسىمى جالعاسۋدا، سوندىقتان سىرقاتتانۋ قاۋپى سەيىلگەن جوق. قىركۇيەك پەن قاڭتار ارالىعىندا ەلىمىزدە تارالعان كۆي ۆيرۋسىن گەنومدىق زەرتتەۋ ناتيجەسى بويىنشا كوروناۆيرۋستىڭ («بريتاندىق»، «وڭتۇستىك افريكا»، «برازيليالىق») جاڭا شتامى انىقتالعان جوق. الايدا، حالىقارالىق اۋە قاتىناسى قايتا اشىلعانىن، شەتەلگە شىعاتىن ەل ازاماتتارى (ەڭبەك كوشى- قونى، وقىتۋ، ەمدەۋ، تۋريزم)، سونداي- اق جاقىن جانە الىس شەتەلدەردەن كەلگەندەردىڭ قاتارى كوبەيگەنىن ەسكەرگەن ءجون. ياعني، كوروناۆيرۋس ينفەكتسياسىنىڭ جاڭا شتامدارىن تاسىمالداۋ ءقاۋپى دە ارتادى دەگەن ءسوز»، - دەپ جازدى الەكسەي سوي Facebook - تەگى پاراقشاسىندا.
ءمينيستردىڭ ايتۋىنشا، الەۋمەتتىك- ەكونوميكالىق نىساندارداعى شەكتەۋ شارالارىنىڭ جەڭىلدەتىلۋى، حالىقتىڭ بەلسەندىلىگى (الەۋمەتتىك ارا قاشىق، ماسكا تاعۋ رەجيمى جانە ت. ب. ساقتالمايدى) كوروناۆيرۋس ينفەكتسياسىنىڭ تارالۋ ءقاۋپىن ۇدەتۋى مۇمكىن.
«امەريكالىق جانە رەسەيلىك عالىمداردىڭ عىلىمي زەرتتەۋلەرىنە سايكەس، كوروناۆيرۋس ينفەكتسياسىمەن اۋىراتىنداردىڭ تەك 10-15 پايىزىندا تۇراقتى يممۋنيتەت قالىپتاسقان. COVID-19 جۇقتىرعان ناۋقاستاردا يممۋنيتەت پاتسيەنتتىڭ جاسىنا قاراي قالىپتاسادى: يممۋنيتەت بالالاردا جاقسى داميدى - كامەلەتكە تولماعاندار اراسىندا يممۋنيتەت شامامەن %20 بولادى. 18 دەن اسقان ادامداردا -%14، 65 جاستان اسقانداردا -%11. %40- دا يممۋنيتەت وتە ءالسىز جانە ينفەكتسيا قايتالانعاندا كومەكتەسە المايدى. يممۋنيتەتتىڭ ساقتالۋ ۇزاقتىعىنا قاتىستى عىلىمي دالەلدەنگەن دەرەك جوق، سوندىقتان Covid-19-دان ساۋىققان ادامداردا اۋرۋدى قايتا جۇقتىرۋ مۇمكىندىگى كۇن سايىن ارتىپ كەلەدى. ايتا كەتۋ كەرەك، كارانتينگە كوروناۆيرۋس ينفەكتسياسىنا قارسى ۆاكتسيناتسيا عانا بالاما بولا الادى»، - دەدى دەنساۋلىق ءمينيسترى.
ونىڭ ايتۋىنشا، 2021 -جىلدىڭ 1 -اقپانىنان ەلىمىزدە كۆي- گە قارسى «سپۋتنيك V» ەكپەسىمەن ۆاكتسيناتسيا باستالعان.
«ۆاكسيناتسيا كەزەڭ- كەزەڭىمەن جۇزەگە اسىرىلادى. ءبىرىنشى كەزەكتە، كوروناۆيرۋس ينفەكتسياسىن جۇقتىرۋ جانە تاراتۋ ءقاۋپى جوعارى ازاماتتار (مەديتسينا قىزمەتكەرلەرى، پەداگوگتار، كۇش قۇرىلىمدارىنىڭ قىزمەتكەرلەرى) ەكپە سالدىرادى. ءساۋىر ايىنان حالىقتىڭ وسال توپتارىن (سوزىلمالى اۋرۋلارى بار ادامدار، 65 جاستان اسقاندار جانە حالىقتىڭ باسقا دا توپتارى) ۆاكتسيناتسيالاۋ جوسپارلانۋدا. ەگەر حالىق جاپپاي كۆي- گە قارسى پروفيلاكتيكالىق ەكپە سالدىرسا، ۇجىمدىق يممۋنيتەت قالىپتاسادى جانە ينفەكتسيانىڭ تارالۋىن توقتاتۋعا مۇمكىندىك تۋادى»، - دەدى ول. ءمينيسترى حالىقتان ساقتىق شارالارىن ساقتاۋدى، ادام كوپ جينالاتىن ورىندارعا بارماۋعا شاقىردى.
«قۇرمەتتى قازاقستاندىقتار، كوروناۆيرۋس ينفەكتسياسىن جۇقتىرۋ قاۋپى ءالى دە جوعارى! ءوزىڭىزدىڭ جانە جاقىندارىڭىزدىڭ دەنساۋلىعىن قورعاۋ ءۇشىن مىناداي ساقتىق شارالارىن ساقتاۋدى سۇرايمىن:
- ادام كوپ جينالاتىن ورىندارعا بارماڭىزدار؛
- ۇجىمدىق ءىس- شارا، مەرەيتوي، كورپوراتيۆتىك جيىن جاساۋعا بولمايدى؛
- اعزاڭىزعا سۋىق تيگىزىپ الماۋعا تىرىسىڭىز؛
- وزگەلەرگە قاۋىپ توندىرمەۋ ءۇشىن جاقىندارىڭىزبەن الىستان ارالاسىڭىزدار، زاماناۋي بايلانىس قۇرالدارىمەن حابارلاسقان دۇرىس. پاندەميا ءالى دە جالعاسۋدا، ۆيرۋس جەڭىلگەن جوق، سوندىقتان ءار ادام جاعدايعا بارىنشا جاۋاپكەرشىلىكپەن قاراۋ كەرەك. وزگەلەرگە اۋرۋ جۇقتىرماۋدىڭ جولىن ىزدەگەن دۇرىس، ماسكا كيىپ، الەۋمەتتىك اراقاشىقتى جانە گيگيەنا تالاپتارىن ساقتاۋعا شاقىرامىن. ارينە، مىندەتتى تۇردە ۆاكسيناتسيا دا قاجەت»، - دەدى مينيستر.
