كوروناۆيرۋس: الماتىدا مەرەكە قارساڭىندا باقىلاۋ كۇشەيدى
بۇل تۋرالى وڭىرلىك كوممۋنيكاتسيالار قىزمەتىندە وتكەن بريفينگتە المالى اۋدانىنىڭ اكىمى سەرىك قۇسايىنوۆ ايتتى، دەپ حابارلايدى قازاقپارات ءتىلشىسى.
«اۋداندا 4 مونيتورينگىلىك توپ قۇرىلدى (2 كۇندىزگى، 2 تۇنگى). مونيتورينگ توپتارى كۇن سايىن، كۇندىز جانە تۇندە جۇمىس ىستەيدى. سونداي- اق، كۇندىزگى توپتار اۋداننىڭ ءىرى ماگيسترالدى كوشەلەرىندە جولاۋشىلار كولىگىنە مونيتورينگ جۇرگىزەدى. قوعامدىق كولىك جولاۋشىلارىنا ءتۇسىندىرۋ جۇمىستارى جۇرگىزىلەدى، سونداي- اق جۇرگىزۋشىلەرگە بەتپەردە رەجيمىن ساقتاۋ تۋرالى نۇسقاۋلىق جۇرگىزىلەدى»، - دەدى س. قۇسايىنوۆ.
جىل باسىنان بەرى المالى اۋدانىندا 1155 نىسان تەكسەرىلدى. ق ر ا ق ب ك- ءنىڭ 425-بابىنا سايكەس 44 زاڭدى تۇلعاعا (ايىپپۇل سوماسى 28 ميلليون تەڭگە) جانە 117 جەكە تۇلعاعا (ايىپپۇل سوماسى 10,2 ميلليون تەڭگە) قاتىستى شارالار قابىلداندى. سوتقا 7 نىسان بويىنشا ماتەريالدار بەرىلدى. ونىڭ تورتەۋىنە سوت شەشىمى شىعارىلدى («فينيك» مەيرامحاناسى، «فيزيكا» بارى، «پيرات» ءدامحاناسى، «Boohousە» بارى)، 3 نىسان بويىنشا ماتەريالدار سوت قاراۋىندا («endorphin» بارى، «گدە- تو» بارى، لوتو كلۋب («توپاز- زابانوۆ ە. ا. « ج ك) سەيفۋللين داڭعىلى 402).
«جالپى، بارلىق كاسىپكەرلەر رەجيمدى ساقتايدى. ءبىراق، كەيبىر كاسىپكەرلەر زاڭدى اينالىپ ءوتىپ، جۇمىسىن جالعاستىرۋدا. ءبىز تۇنگى مەكەمە اكىمشىلەرىمەن كۇرەسۋدەمىز. بيزنەستەگىلەرگە ايتارىم - بارلىق ەپيدەميولوگيالىق تالاپتاردى ساقتاۋ ماڭىزدى»، - دەپ ەسكەرتتى س. قۇسايىنوۆ.
سونداي- اق، ول قالا تۇرعىندارىن اتالعان كاسىپكەرلىك سۋبەكتىلەرىنە بارماۋعا شاقىردى. ايتا كەتۋ كەرەك، مەرەكە كۇندەرى مونيتورينگىلىك توپتىڭ جۇمىسى كۇشەيتىلەدى.
«مونيتورينگىلىك توپتار كۇن سايىن جۇمىس ىستەيدى، مەرەكە كۇندەرى توپتار قوعامدىق ورىنداردا سانيتارلىق- ەپيدەميولوگيالىق تالاپتاردى ساقتاۋ بويىنشا كۇشەيتىلگەن جۇمىس رەجيمىنە كوشەدى. كارانتين شارالارىن ساقتاۋ ءۇشىن مەرەكە كۇندەرى ادامدار كوپ جينالاتىن جەرلەردە ۋاكىلەتتى ورگانداردىڭ قىزمەتكەرلەرى مەن قوعامدىق قىزمەتكەرلەردى قوسىمشا تارتۋ جوسپارلانۋدا»، - دەدى اۋدان اكىمى. سونىمەن قاتار، سانيتارلىق پاترۋلدەۋ جۇرگىزىلىپ جاتىر. ەگەر اۋدان اۋماعىندا ءىس- شارالار جۇرگىزىلەتىن جانە سانيتارلىق نورمالار بۇزىلاتىن بولسا، مىسالى، جۇمىس ىستەيتىن تۇنگى مەكەمەلەر جانە باسقا دا نىساندارعا قاتىستى شاعىمداردى قابىلداۋ بويىنشا اۋداننىڭ سانيتارلىق- ەپيدەميولوگيالىق باقىلاۋ باسقارماسىنىڭ جەدەل جەلىسى بار. تۇرعىندار 87017165925 تەلەفونىنا حابارلاسىپ، بولماسا 102 نومەرىنە حابارلاسا الادى.
ەستەرىڭىزگە سالا كەتەيىك، قىزىل ايماقتاعى ساۋدا ورتالىقتارى، ساۋدا ۇيلەرى، ساۋدا جەلىلەرى سەنبى، جەكسەنبىدەن باسقا كۇندەرى جۇمىس ىستەيدى. قوعامدىق تاماقتانۋ نىساندارى مەن فۋدكورتتار تەك جەتكىزىپ بەرۋ جانە ساۋدا ءۇيى اۋماعىنان تىس الىپ شىعۋ قىزمەتىمەن ساعات 10.00-دەن 24.00-گە دەيىن اشىق بولادى.
