قازاقستاننىڭ بىرنەشە وڭىرىندە كۇن سۋىتادى

نۇر- سۇلتان. قازاقپارات - رەسپۋبليكانىڭ بىرنەشە وڭىرىندە اۋا رايىنىڭ بۇزىلۋىنا بايلانىستى ەسكەرتۋ جاريالاندى، دەپ حابارلايدى قازاقپارات.

«قازگيدرومەت» اقپاراتىنشا، 12-ناۋرىزدا قىزىلوردا وبلىسىندا كوكتايعاق، بوران كۇتىلەدى. سولتۇستىك- شىعىستان سوعاتىن جەل تۇندە كەي جەرلەردە 15-20 م/س، كۇندىز 15-20،كەيدە 25 م/س- قا دەيىن جەتەدى.

قاراعاندى وبلىسىندا جاياۋ بۇرقاسىن بولادى. جەل وڭتۇستىك- باتىستان سوعادى، تۇندەگى جەل ەكپىنى 15-20 م/س- قا دەيىن جەتەدى. ماڭعىستاۋ وبلىسىندا كەي جەرلەردە بوران، كوكتايعاق كۇتىلەدى، جەل 17-22 م/س دەيىن كۇشەيەدى.

قوستاناي وبلىسىندا كەي جەرلەردە جاياۋ بۇرقاسىن مەن تۇمان بولادى. باتىستان، سولتۇستىك- باتىستان سوققان جەلدىڭ جىلدامدىعى كەي جەرلەردە 15-20 م/س جەتەدى.

اقمولا وبلىسىندا كەي جەرلەردە جاياۋ بۇرقاسىن، تۇمان ءتۇسۋى ىقتيمال. 12-ناۋرىز كۇنى تۇندە باتىستان، سولتۇستىك- باتىستان تۇرعان جەل 15-20 عا جەتىپ، ەكپىنى 23-28 م/س دەيىن بارادى.

12-14-ناۋرىز ارالىعىندا شىعىس قازاقستان وبلىسىندا كەي جەرلەردە بوران تۇرىپ، تۇمان تۇسەدى. وڭتۇستىك- باتىستان سوققان جەل سولتۇستىك- باتىسقا اۋىسىپ، كەيدە ەكپىنى 23-28 م/س جەتەدى. ال اۋا تەمپەراتۋراسىنىڭ 2-7 گرادۋستان 20-25-كە دەيىن تومەندەۋى كۇتىلەدى، كەي جەرلەردە 30 عا دەيىن سۋىتادى. ال ءوڭىردىڭ وڭتۇستىگىندە 15-كە دەيىن.

13-ناۋرىز كۇنى وبلىستىڭ باسىم بولىگىندە قار جاۋۋى مۇمكىن. 12-13 ناۋرىزدا سولتۇستىك قازاقستان وبلىسىندا اۋا تەمپەراتۋراسى كۇرت تومەندەيدى - 13-15-تەن 25-30-عا دەيىن، كەيدە 22 گرادۋس اياز.

13-14 ناۋرىزدا تۇركىستان وبلىسىندا كەي جەرلەردە قاتتى جاۋىن- شاشىن (جاڭبىر، قار) ، تۇمان، كوكتايعاق كۇتىلەدى. 12-ناۋرىزدا كۇندىز كوپ جەرلەردە وڭتۇستىك- باتىس جاقتان تۇرعان جەل سولتۇستىك، سولتۇستىك- شىعىسقا اۋىسادى، بۇل كۇندەرى جەل 15-20, ەكپىنى 23-28 م/س دەيىن بارادى.

12 -ناۋرىزدا كۇندىز تاۋلى ايماقتاردا جەل ەكپىنى 30 م/س جەتىپ، كەيدە ودان دا جوعارى بولماق.

13-ناۋرىزدا كۇندىز اۋا تەمپەراتۋراسى كۇرت تومەندەيدى، 16-20-دان كەيدە 6-11، 3-8 گرادۋس جىلى، كەي جەرلەردە 0-5 گرادۋس سۋىقتىقتى كورسەتەدى.