قازاقستاندا سۇيىتىلعان مۇناي گازى ارزاندادى - مينيسترلىك
بۇل تۋرالى ق ر ەنەرگەتيكا مينيسترلىگى گاز جانە مۇناي- گاز- حيميا دەپارتامەنتىنىڭ ديرەكتورى قۋانىش سارسەكەيەۆ ايتىپ بەردى، دەپ حابارلايدى قازاقپارات ءتىلشىسى.
2020 -جىلدىڭ ساۋىرىندە ق ر پرەزيدەنتى جانىنداعى ت ج رەجيمىن قامتاماسىز ەتۋ جونىندەگى مەملەكەتتىك كوميسسيا شەشىمىمەن اۆتوگاز قۇيۋ ستانتسيالارىندا كولىكتەرگە جانارماي قۇيۋ ءۇشىن سۇيىتىلعان مۇناي گازىن وتكىزۋگە ۋاقىتشا مەملەكەتتىك باعا رەتتەۋ ەنگىزىلگەن ەدى.
«قازىرگى ۋاقىتتا اۆتوگاز قۇيۋ ستانسالارىنداعى بولشەك ساۋدا باعاسىن نارىق سۇرانىس پەن ۇسىنىستاردى ەسكەرە وتىرىپ بەلگىلەيدى. ەنەرگەتيكا مينيسترلىگى سۇيىتىلعان مۇناي گازىنىڭ بولشەك ساۋدا باعاسىنا تالداۋ جۇرگىزدى جانە اۆتوگاز قۇيۋ ستانسيالارىنداعى قازىرگى باعا پاندەمياعا دەيىنگى 2020 -جىلدىڭ 1-توقسانىنا قاراعاندا رەسپۋبليكا بويىنشا ورتا ەسەپپەن %5 عا تومەن. ياعني، قازىرگى نارىق باعاسى بۇرىن قولدانىستا بولعان باعادان دا تومەن»، - دەدى سپيكەر ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.
ونىڭ ايتۋىنشا، ەنەرگەتيكا مينيسترلىگى اي سايىن ىشكى نارىققا سۇيىتىلعان مۇناي گازىن جەتكىزۋ جوسپارىن قۇرۋدى جالعاستىرادى. ونىڭ %25 قازىرگى ۋاقىتتا ەلەكتروندىق ساۋدا الاڭدارى (ە س ا) ارقىلى ىسكە اسىرىلۋدا. بۇعان دەيىن كوكتەمگى دالا جۇمىستارىنا 380 مىڭ توننا ديزەل جەڭىلدىكپەن بەرىلەتىنى حابارلانعان ەدى. سونىمەن بىرگە، ەنەرگەتيكا ۆيتسە-ءمينيسترى اسەت ماعاۋوۆ ق ر ىشكى نارىعىندا جانار- جاعارماي باعاسىنىڭ قالاي قالىپتاساتىنىن ءتۇسىندىردى.
اۆتور: ايجان سەرىكجان قىزى
