اقمولادا جولعا تالاسقان جىگىت جۇرگىزۋشى مەن ونىڭ جولاۋشىسىنا پىشاق سالدى
پوليتسيا كۇدىكتى رەتىندە سولتۇستىك قازاقستان وبلىسىنىڭ 24 جاستاعى تۇرعىنىن ۇستادى، دەپ حابارلايدى قازاقپارات ءتىلشىسى وبلىستىق پوليتسيا دەپارتامەنتىنىڭ باسپا ءسوز قىزمەتىنە سىلتەمە جاساپ.
ۆەدومستۆونىڭ مالىمەتىنشە، وقيعا 9-ناۋرىزعا قاراعان ءتۇنى گرانيتنىي اۋىلىنىڭ ماڭىنداعى اۆتوجولدا بولعان. تار جولدا ءبىر-بىرىنە جول بەرگىسى كەلمەگەن ەكى جۇرگىزۋشى مەن ولاردىڭ جولاۋشىلارى اراسىندا جانجال تۋىنداپ، سوڭى توبەلەسكە ۇلاسادى. سالدارىنان ءبىر جۇرگىزۋشى ەكىنشى جۇرگىزۋشى مەن ونىڭ جولاۋشىسىنا پىشاق جاراقاتىن سالادى. زارداپ شەككەن ەكى ادام اۋرۋحاناعا جەتكىزىلدى.
«قازىرگى كەزدە وسى وقيعا بايلانىستى قىلمىستىق كودەكستىڭ 106-بابى بويىنشا تەرگەۋ امالدارى جۇرگىزىلۋدە. كۇدىكتىگە قاتىستى پروتسەسسۋالدىق بۇلتارتپاۋ شاراسى تاڭدالدى»، - دەدى ۆەدومستۆودان.
اۆتور: اسلان وسپانوۆ
