جىل باسىنان بەرى الەۋمەتتىك ماڭىزى بار ازىق-تۇلىك قانشا پايىزعا قىمباتتادى
بۇل تۋرالى بۇگىن ۇكىمەت وتىرىسىندا ق ر ساۋدا جانە ينتەگراتسيا ءمينيسترى باقىت سۇلتانوۆ ايتتى، دەپ حابارلايدى قازاقپارات ءتىلشىسى.
«جىل باسىنان باستاپ الەۋمەتتىك ماڭىزى بار ازىق-تۇلىك تاۋارلارىنىڭ باعالارى 2,6 پايىزعا ءوستى. جىلدىق ماندە ولار 13,2 پايىزعا قىمباتتادى. 3,3 پايىزدى ەڭ جوعارعى ءوسىم باتىس قازاقستان وبلىسى جانە شىمكەنت قالاسىندا تىركەلدى. ولاردان كەيىن تاعى 8 وڭىردە ەلىمىزدەگى تىركەلگەن ورتاشا دەڭگەيدەن جوعارى، ياعني 2,7 دەن 2,9 پايىزعا دەيىن باعانىڭ وسىمىنە جول بەرىلدى. بارىنەن بۇرىن يمپورتقا تاۋەلدى ونىمدەردىڭ، جوعارى ەكسپورتتىق سۇرانىسى بار تاۋارلاردىڭ، سونداي- اق ماۋسىمارالىق كەزەڭدە ءداستۇرلى تۇردە قىمباتتايتىن كوكونىستەردىڭ باعاسى ءوسىم كورسەتتى»، - دەدى ول.
ءمينيستردىڭ دەرەگىنشە، جۇمىرتقا - ءوندىرۋدىڭ 8,4 پايىزعا قىسقارۋى، جەم مەن پەستيسيدتەردىڭ 25 پايىزعا قىمباتتاۋى، سونداي-اق قۇس تۇماۋى تارالۋى سالدارىنان قىمباتتادى. ال، كۇنباعىس مايى مەن قانتتىڭ باعاسىنىڭ وسىمىنە الەمدەگى باعالاردىڭ ءوسۋى، كورشى ەلدەردەگى ەگىس القاپتارىن قىسقارۋى جانە ەكسپورت ءونىمنىڭ قىمباتتاۋى سەبەپ بولدى.
«وسىعان وراي، اۋىل شارۋاشىلىعى مينيسترلىگى وڭىرلىك اتقارۋشى ورگاندارمەن بىرلەسىپ، يمپورتقا تاۋەلدى تاۋارلار بويىنشا عانا ەمەس، سونداي-اق ەكسپورتتىڭ جوعارى ۇلەسى بايقالاتىن ونىمدەر بويىنشا دا ءوندىرىستى بارىنشا ۇلعايتۋى قاجەت»، - دەدى باقىت سۇلتانوۆ.
