قازاقستان بالاباقشالارىندا وقىتۋدىڭ مەملەكەتتىك ستاندارتى وزگەرەدى
بۇل تۋرالى ءبىلىم جانە عىلىم ءمينيسترى اسحات ايماعامبەتوۆ مالىمدەدى.
ۇكىمەت وتىرىسىندا ايماعامبەتوۆ بۇگىنگى تاڭدا 2 دەن 6 جاسقا دەيىنگى بالالاردى بالاباقشامەن قامتۋ دەڭگەيى ءالى دە 71 پايىز عانا ەكەنىن ايتتى. وسى جاستاعى بالالار ءۇشىن ەڭ كوپ كەزەك الماتى، تۇركىستان، ماڭعىستاۋ وبلىستارى مەن الماتى، شىمكەنت قالالارىندا.
دەگەنمەن مينيستر بۇل كورسەتكىشتى 2025 -جىلعا قاراي 95 پايىزعا جەتكىزگە ۋيدە بەردى.
«ول ءۇشىن جەكەمەنشىك بالاباقشالار جەلىسىن ودان ءارى دامىتۋ، ۆاۋچەرلىك قارجىلاندىرۋدى، سونىمەن قاتار الەۋمەتتىك تاربيەشى ينستيتۋتىن ەنگىزۋ تەتىكتەرى كەڭىنەن قولدانىلادى»، - دەدى ول.
ايماعامبەتوۆ مەملەكەت باسشىسىنىڭ تاپسىرماسىنا سايكەس مەكتەپكە دەيىنگى ءبىلىم بەرۋدىڭ جاڭا مودەلى ازىرلەنەتىنىن ايتتى.
«ونى ەنگىزۋ جاڭا وقۋ جىلىنان باستالادى. بۇل ءۇشىن «ويىن ارقىلى وقىتۋ« قاعيداتى نەگىزىندە مەملەكەتتىك ستاندارتقا وزگەرىستەر ەنگىزىلەدى. تاربيەشىلەردى دايارلاۋ، بىلىكتىلىگىن ارتتىرۋ جۇيەسى، باعدارلامالار جاڭارادى»، - دەدى ۆەدومستۆو باسشىسى.
