ءادىلحان ەرجانوۆتىڭ «سارى مىسىق» كوركەم فيلمى ەكى حالىقارالىق بايقاۋعا قاتىسىپ جاتىر

«دوستار، ءبىز وتكەن جىلى ۆەنەتسيا كينوفەستيۆالىندەگى پرەمەراسىمەن دۇنيەجۇزى كينو كورسەتىلىمدەر ارقىلى سالتاناتتى شەرۋىن باستاعان ءادىلحان ەرجانوۆتىڭ «سارى مىسىق» كوركەم فيلمىنىڭ جاڭا جەتىستىكتەرى تۋرالى قۋانا حابارلايمىز. كينوتۋىندى 45-گونكونگ حالىقارالىق كينوفەستيۆالىنىڭ باعدارلاماسىنا «اۆتورلار» بولىمىنە كىردى، سونىمەن قاتار بەدەلدى رەسەيلىك «نيكا» كينوسىيلىعىنىڭ «ت م د، بالتىق گرۋزيا ەلدەرىنىڭ ۇزدىك فيلمدەرى» نوميناتسياسىنا ۇسىنىلدى»، دەلىنگەن حابارلامادا.

«بۇل ۇلكەن قۋانىش پەن ابىروي، مەن ءبىزدىڭ ۇجىمنىڭ ەڭبەگى ەلەۋسىز قالماعانىنا قۋانىشتىمىن. «سارى مىسىقتىڭ» شىعارماشىلىق ۇجىمىن فيلمنىڭ كەزەكتى جەتىستىگىمەن قۇتتىقتايمىن!» - دەپ جازدى فيلمنىڭ رەجيسسەرى ءادىلحان ەرجانوۆ Facebook-تەگى پاراقشاسىندا.