نۇر-سۇلتان - تەمىرتاۋ اۆتوجولى اشىلدى

بۇل جايىندا نۇر-سۇلتان قالاسىنىڭ توتەنشە جاعدايلار دەپارتامەنتى مالىمەت تاراتتى.

«اۋا رايىنىڭ تىنىشتالۋىنا بايلانىستى 11- ناۋرىز ساعات 00:00 كەزىنەن باستاپ «ەكاتەرينبۋرگ- الماتى» رەسپۋبليكالىق ماڭىزى بار تاسجولىنىڭ نۇر-سۇلتان مەن تەمىرتاۋ قالاسى ارالىعىنداعى ۋچاسكەسىندە اۆتوكولىكتىڭ بارلىق تۇرىنە جۇرۋگە رۇقسات بەرىلدى. بۇل - اتالمىش اۆتوجولدىڭ 1291-1426 شاقىرىمى» دەلىنگەن حابارلامادا.

ەسكە سالا كەتەيىك، ءبىز بۇعان دەيىن قازاقستاننىڭ ەكى وبلىسىنداعى جولداردا كولىك قوزعالىسىنا تىيىم سالىنعانىن جازعان بولاتىنبىز.