ەكس-دەپۋتات زاعيپا باليەۆا جاڭا قىزمەتكە تاعايىندالدى

الماتى. قازاقپارات - ق ر پارلامەنتى ءماجىلىسىنىڭ بۇرىنعى دەپۋتاتى زاعيپا باليەۆا الماتى قالاسىنداعى قازاق ۇلتتىق اگرارلىق زەرتتەۋ ينستيتۋتىنىڭ پرورەكتورى قىزمەتىنە تاعايىندالدى، دەپ حابارلايدى قازاقپارات ءتىلشىسى.

«رەكتورلار كەڭەسىنىڭ وتىرىسى بولدى. جيىن بارىسىندا مەن ۋنيۆەرسيتەتتىڭ ستراتەگيالىق دامۋ جانە ينفراقۇرىلىم، سيفرلاندىرۋ جونىندەگى پرورەكتورى بولىپ تاعايىندالدىم. جۇمىسقا بۇگىن كىرىستىم»، - دەدى ز. باليەۆا.

ونىڭ ايتۋىنشا، ۋنيۆەرسيتەتتە زەرتحانا كوپ.

«مۇندا عالىمدار COVID-19 ۆاكسيناسىن جاساپ جاتىر. پروفەسسورلىق وقىتۋشىلىق قۇرام وتە مىقتى»، - دەدى ەكس-دەپۋتات.

ايتا كەتەيىك، زاعيپا باليەۆا 1958 -جىلى الماتى وبلىسى كەگەن اۋدانى جالاڭاش اۋىلىندا تۋعان. كيروۆ اتىنداعى مەملەكەتتىك ۋنيۆەرسيتەتتى زاڭگەر- قۇقىقتانۋشى ماماندىعى بويىنشا بىتىرگەن. ءار جىلدارى ورتالىق سايلاۋ كوميسسياسىنىڭ ءتورايىمى، قازاقستاننىڭ ادىلەت ءمينيسترى، ق ر پارلامەنت ءماجىلىسىنىڭ دەپۋتاتى، قازاقستانداعى بالا قۇقىقتارى جونىندەگى ۋاكىل قىزمەتىن اتقارعان. ول «قۇرمەت»، «پاراسات»، «كۇمىس القا»، «قازاقستان رەسپۋبليكاسىنىڭ تاۋەلسىزدىگىنە 10 جىل»، «قازاقستان رەسپۋبليكاسىنىڭ تاۋەلسىزدىگىنە 20 جىل»، «قازاقستان كونستيتۋتسياسىنا 10 جىل» وردەندەرىمەن ماراپاتتالعان.

اۆتور: گۇلميرا عوسمانالي