قازاقستاندا كۇن كۇرت سۋىتادى - قازگيدرومەت

نۇر-سۇلتان. قازاقپارات - قازگيدرومەت الداعى كۇندەرى قازاقسستاندا اۋا تەمپەراتۋراسى تومەندەيتىندىگى تۋرالى حابارلادى.

«جاڭبىر مەن قار تۇرىندە مول جاۋىن- شاشىن بايقالاتىن سيكلوننىڭ ارتىنان سۋىق سولتۇستىك- باتىس انتيسيكلون جىلجي باستايدى. سالدارىنان جاۋىن- شاشىننىڭ قىسقا مەرزىمگە توقتاتىلۋى جانە اۋا تەمپەراتۋراسىنىڭ تومەندەۋى كۇتىلەدى. ەلدىڭ وڭتۇستىك ايماقتارىنا جەرورتا تەڭىزىنىڭ اۋداندارىنان سيكلوننىڭ شىعۋى اسەر ەتەدى، ول جاۋىن- شاشىن اكەلەدى، كەي جەرلەردە قاتتى (جاڭبىر، قار) . كەي جەرلەردە تۇمان، بۇرقاسىن، كوكتايعاق، جەلدىڭ كۇشەيۋى بولجانادى»، - دەلىنگەن حابارلامادا.

سونىمەن قاتار، 12-ناۋرىز تۇندە قاراعاندى جانە اقمولا وبلىستاردا جاياۋ بۇرقاسىن كۇتىلەدى. 12-13-ناۋرىزدا كەي جەرلەردە تۇمان كۇتىلەدى.

13-ناۋرىزدا وڭتۇستىك- باتىستان سوعاتىن جەل سولتۇستىك- شىعىسقا اۋىسادى، كۇشى كەي جەرلەردە 15-20، ەكپىنى 23-28 م/س. 12-13-ناۋرىز ارالىعىندا اۋا تەمپەراتۋراسىنىڭ 7-12، كەي جەرلەردە 16 گرادۋس ايازدان 22-27، كەي جەرلەردە 30 گرادۋس ايازعا دەيىن كۇرت تومەندەۋى كۇتىلەدى.

13-14-ناۋرىزدا تۇركىستان وبلىسىندا كەي جەرلەرىندە قاتتى جاۋىن- شاشىن (جاڭبىر، قار)، تۇمان، كوكتايعاق كۇتىلەدى. وڭتۇستىك- باتىستان سولتۇستىك، سولتۇستىك- شىعىسقا اۋىساتىن جەل سوعادى، 12-ناۋرىزدا كۇندىز وبلىستىڭ باسىم بولىگىندە، 13-14-ناۋرىزدا تاۋلىك بويى كەي جەرلەردە كۇشى 15-20، ەكپىنى 23-28 م/س، 12-ناۋرىزدا كۇندىز تاۋلى اۋدانداردا ەكپىنى 30 م/س جانە ودان اسا كۇتىلەدى.

13-ناۋرىزدا كۇندىز اۋا تەمپەراتۋراسىنىڭ 16-21، كەي جەرلەردە 6-11 گرادۋس جىلىدان، 3-8 گرادۋس جىلى، كەي جەرلەردە مينۋس 0-5 گرادۋسقا جەتۋى مۇمكىن.