دۇنيەجۇزىلىك كوشپەندىلەر ويىنى قاي ەلدەردە وتەتىنى بەلگىلى بولدى
بىشكەك. كابار- قازاقپارات - قىرعىزستاننىڭ سىرتقى ىستەر ءمينيسترى رۋسلان قازاقبايەۆ بۇگىن قىرعىز- تۇرىك قاتىناستارىنا ارنالعان عىلىمي- پراكتيكالىق كونفەرەنسيادا IV جانە V دۇنيەجۇزىلىك كوشپەندىلەر ويىندارى قاي ەلدەردە وتەتىنىن ايتتى، دەپ حابارلايدى قازاقپارات كابار اگەنتتىگىنە سىلتەمە جاساپ.
«دۇنيەجۇزىلىك كوشپەندىلەر ويىندارى بيىل تۇركيادا، كەلەسى جىلى ماجارستاندا وتەدى»، - دەدى قازاقبايەۆ.
بۇگىن تۇركيا سىرتقى ىستەر مينيسترلىگىنىڭ باسشىسى ميەۆليۋت چاۆۋشوگلۋ قىرعىزستانعا رەسمي ساپارمەن كەلدى. بۇعان دەيىن چاۆۋشوگلۋنى قىرعىزستان پرەزيدەنتى سادىر جاپاروۆ قابىلداعان ەدى. ايتا كەتەيىك، دۇنيەجۇزىلىك كوشپەندىلەر ويىندارىن وتكىزۋگە قىرعىزستان باستاما كوتەرگەن بولاتىن. ءبىرىنشى دۇنيەجۇزىلىك كوشپەندىلەر ويىندارى ىستىقكول وبلىسىنىڭ شولپان- اتا قالاسىندا 2014 -جىلدىڭ 9-14 - قىركۇيەگىندە ءوتتى. 2016 جانە 2018 -جىلدارعى ەكىنشى جانە ءۇشىنشى ويىندار دا قىرعىزستاندا ءوتتى. ودان كەيىن ەستافەتانى تۇركيا قابىلدادى.
اۆتور: اياۋلىم التىنبەك
