15:47, 10 - ناۋرىز 2021 | GMT +5
ۇلتتىق سپورت تۇرلەرىنىڭ تىزبەسى بەكىتىلدى
نۇر- سۇلتان. قازاقپارات - ق ر مادەنيەت جانە سپورت ءمينيسترى اقتوتى رايىمقۇلوۆانىڭ 2021 -جىلعى 26 - اقپانداعى بۇيرىعىمەن ۇلتتىق سپورت تۇرلەرىنىڭ تىزبەسى بەكىتىلدى، دەپ حابارلايدى قازاقپارات.
بۇيرىققا سايكەس ۇلتتىق سپورت تۇرلەرىنىڭ تىزبەسىنە: اۋدارىسپاق، اسىق اتۋ، بايگە، جامبى اتۋ؛ جەكپە- جەك، كوكپار، قازاق كۇرەسى، قۇسبەگىلىك، توعىزقۇمالاق ەنگەن. بۇيرىقتىڭ تولىق ءماتىنىن مىنا جەردەن كورۋگە بولادى.
ەسكە سالساق، ۇلتتىق سپورت تۇرلەرىن مەكتەپ باعدارلاماسىنا ەنگىزۋ ءتارتىبى ايقىندالدى. مادەنيەت ءمينيسترىنىڭ ايتۋىنشا، ەڭ الدىمەن ءبىلىم بەرۋ ۇيىمدارىندا اسىق اتۋ، توعىزقۇمالاق، قازاق كۇرەسىن ەنگىزۋ جوسپارلانىپ وتىر.
اۆتور: مارلان جيەمباي
