قانات يسلام گولوۆكين سالماعىنداعى الەم چەمپيونىمەن جەكپە- جەككە شىعۋى مۇمكىن
بۇل تۋرالى كاسىپقوي بوكس الەمىنىڭ ينسايدتارى مەن جاڭالىقتارىن جاريالاپ جۇرگەن Boxing Media UK تۆيتتەر- اككاۋنتىندا جازىلدى.
«دجەرمالل چارلونىڭ الەۋەتتى قارسىلاستارىنىڭ اراسىندا ماسياس مونتەل، اندرەي سيروتكين، قانات يسلام بار»، - دەپ جازىلعان الەۋمەتتىك جەلىدە.
بۇل رەتتە چارلومەن چەمپيوندىق جۇدىرىقتاسۋعا ەڭ كوپ مۇمكىندىككە يە بوكسشى - Pbc پلاتفورماسىندا جەكپە- جەك وتكىزۋدە تاجىريبەسى مول مونتەل ەكەنىن اتاپ وتكەن.
ەسكە سالا كەتسەك، قانات يسلام رينگكە تاياۋدا عانا شىققان ەدى – 20- اقپاندا ا ق ش- تىڭ فلوريدا شتاتىنىڭ مايامي قالاسىندا وتكەن ايقاستا ول جەتىنشى راۋندتا ەكۆادورلىق دجەيسون ميندۋنى (14-4-1, 8 ك و) نوكاۋتقا ءتۇسىردى. چارلوعا كەلەتىن بولساق، ول 2020 -جىلدىڭ قىركۇيەگىنەن بەرى جۇدىرىقتاسپاعان. سوڭعى جەكپە- جەگى كوننەكتيكۋت شتاتىنىڭ انكاسۆيلل قالاسىندا ءوتىپ، وندا تورەشىلەردىڭ ءبىراۋىزدان قابىلداعان شەشىمىنەن ۋكراينا بوكسشىسى اندرەي دەريەۆيانچەنكودان (13-3، 10 ك و) باسىم تۇسكەن ەدى.
اتاپ وتەيىك، ورتا سالماقتا سونداي- اق قازاقستاننىڭ تاعى ءبىر وكىلى، IBF جانە IBO تيتۋلدارىنىڭ يەگەرى گەنناديي گولوۆكين (41-1-1، 36 ك و) بار.
