قازاق نوكاۋتشى باتىر جۇكەمبايەۆ از ۋاقىتتا الەم چەمپيونى تيتۋلى ءۇشىن ايقاسادى
Primerahora.com مالىمەتىنشە، باتىردىڭ كەلەسى قارسىلاسى پۋەرتوريكالىق «Browny» لاقاپ اتتى سابريەل ماتياس (16-1، 16 ك و) بولۋى ىقتيمال. جەكپە-جەك مامىرعا جوسپارلانعان.
جۇكەمبايەۆ - ماتياس جەكپە-جەگىنىڭ جەڭىمپازى IBF رەيتينگىندە ەكىنشى ورىنعا كوتەرىلىپ، ليۋيس ريتسون (21-1، 12 ك و) - يەرەمياس پونسە (27-0، 17 ك و) كەزدەسۋىنىڭ جەڭىمپازىمەن جۇدىرىقتاسۋعا مۇمكىندىك الادى.
وسى ەكى كەزدەسۋدىڭ جەڭىمپازدارى اراسىنداعى جەكپە-جەكتە جەڭگەن بوكسشى ءبىرىنشى جارتىلاي ورتا سالماقتا IBF تۇجىرىمى بويىنشا الەم چەمپيونى تيتۋلىنا مىندەتتى ۇمىتكەر اتانادى.
جۇكەمبايەۆ رينگكە سوڭعى رەت بيىل قاڭتاردا شىعىپ، مونرەالدا مەكسيكالىق ريكاردو لارانى (22-8، 10 ك و) نوكاۋتپەن جەڭگەن بولاتىن.
بۇل كەزدەسۋدە ول ءبىرىنشى جارتىلاي ورتا سالماقتا WBA Continental Americas جانە IBF Inter- Continental تيتۋلدارىن قورعاعان ەدى.
